Андрей Ромашкин суд вельде кирдизе «Торама» ансамблянть лемензе, конань теизе тетязо

Лия кельтнесэ: русский • эрзянь • English

12 сентября 2019 года

2019 иень таштамковонь 3 чистэ Йовлань Олонь лемсэ «Торама» фольклоронь ансамблянть Андрей Ромашкин ветицянзо марто ды Александра Медведева адвокатонть лездамонзо вельде судсо кемекстызь эсест праваст морсемс «Торама» лементь ало. 

«Торама» морамо кужось. Фотосонть: Геннадий Егорькин, Александр Учеваткин, Виталий Прокин, Андрей Ромашкин, Андрей Кузнецов.

«Тораманть», конась содавикс аволь ансяк Россиясо, пурнызе 90-це иетнестэ Йовлань Оло — содавкис морсицясь, фольклористэсь, раськень тевень ветицясь. Ансамблясь теезель эрзянь ды мокшонь морамонь-седямонь койтнень вельмевтемаст ды кепедемаст кис. Йовлань Олонь куломадонзо мейле тетянзо тевенть седе тов кармась ветямо Йовлань Андю (Андрей Ромашкин) цёразо.

2012 иестэ Эрзя-мокшонь масторонь Правительстванть кармавтоманзо вельде теезель «Государственной автономной учреждения „Торама“ фольклоронь ансамбля». Теезь учреждениянь прявтокс аравтозель киненьгак а содавикс морамонь тевтнесэ Андрей Николаев, конась аламонь-аламонь тусь Владимир Ромашкинэнь кармавтоматнестэ ды репетртуарсо кармасть улеме седе пек неень шкань морот. Морамокуронть прявт арсемазо — эрзянь ды мокшонь морамонь-седямонь киньгак ёнов а молиця культуранть невтема. Шкань ютазь «Торамась» теевсь теке кавер-куро ды ансамблянь морыцятне сёрмадсть серма тень коряс Эрзя-мокшонь масторонь культурань Министерствав. Те пшкадемась лиядсь апак маря ды 2017 иень сундерьковсто «Торама» ансамблянть прявт морыцятне Андрей Ромашкин марто ютыть шкинемань кияванть Эрзя-мокшонь масторонь культурань Министерствавтомо. Торамань цёратне сыть вейсэнь арсемас: кандтнезэ ансамблясь Йовлань Олонь лемензэ. 2017 иень сёксестэнть ансамблясь ушоды кандтнеме течинь лементь: Йовлань Олонь лемсэ Торама фольклоронь ансамбля.

2018 иень прядовомсто ООО «Эверест» ёвты Андрей Ромашкиннэнь эсензэ правадонзо «Торама» лементь лангс ды тень коряс а меревиль морсемс Йовлань Олонь лемсэ ансамблянтень «Торама» лементь ало. Андрей Ромашкин пшкадсь пряудемнть праватнень коряс судс истямо вешема марто: лоткавтомс «Торама» товаронь тешксэнть ванстоманзо, праванькирдиекс конанть 2007 иестэ саезь алкукскак ульнесь ООО «Эверест» Нефтеюганск ошсто. Судсо ООО «Эверест» праванькирдиесь яволявтсь: товаронь тешксэнть праватнень сон максынзе Мордовия Республикань «Торама» морамокуронтень. Ансяк лисни, те аволь весенень содавкис «Торама» морамокурось, конань теизе Йовлань Оло. Суд, конась важоди пряудемень праватнень коряс, 2019 иень таштамковонь 3-це чистэ весе аравтызе таркаванзо ды кемекстызе Йовлань Олонь лемсэ ансамблянтень «Торама» лементь.

Вн. истя жо править

Лисьмапрят править

Оригинальный репортаж
Эту статью написал Андрей Петров (Erzianj jurnalist) специально для Русских Викиновостей. Она содержит ранее не публиковавшиеся материалы или исследования, источником которых является сам автор. Статью проверил и опубликовал редактор Александр Красоткин (Krassotkin). Вы можете свободно без согласования и выплаты вознаграждения копировать, распространять и изменять эту статью в любых целях, включая коммерческие, однако вы обязаны указать автора, источник и лицензию. Например, так: Андрей Петров, Александр Красоткин; Викиновости; CC BY 2.5. Вы также должны обозначить изменения, если таковые были сделаны. Лицензии изображений уточняйте на их страницах на Викискладе.

Комментарии

Викиновости и Wikimedia Foundation не несут ответственности за любые материалы и точки зрения, находящиеся на странице и в разделе комментариев.