Открыть главное меню
Geographylogo.png Лия кельтнесэ: русский • эрзянь

23 ноября 2018

В этой статье упоминается Фонд Викимедиа, какой-либо из его проектов или люди, имеющие к ним отношение. Викиновости — один из проектов Фонда Викимедиа.

Куншкачистэ, 2018 иень сундерьковонь 21 чистэ, НП «Викимедиа РУ»-нь (ВМРУ) совицятне, россиянь Викимедиа ёнксонь пелькссэнть, тешкстызь 10-це иенть шкастонть, зярдо теевксэсь ульнесь прявт кемекстазь.


Викимедиа РУ-нь ламбамо паневксэсь


10-це иенть покшчинть НП «Викимедиа РУ» тешксты 2018 иенть перть. 2018 иень панжиковонь 24 чистэ Викимедиа Фондонть (руз. Совет попечителей Фонда Викимедиа) кемекстызе НП «Викимедиа РУ»-нть Россиясо тееманзо. 2018 иень сундерьковонь 19 чистэ теевксэнть кемекстызеть налогоньветиесь, сундерьковонь 21 чистэ — Россиянь Юстициянь Министерствась.

Покшчинь пурнавксось ульнесь Московсо «Грабли» на Пятницкой ресторансонть, тесэ ламоксть ульнесть Викимедиянь вики-вастовомат, пурнавкст ды лия тевть. Покшчинть пурныцязо кармась ВМРУ-нь прявтось Владимир Медейко, кона сась Ине-Петрань ошсто.

Вастовомась ютась теине семиянь кужинесэ: организациянть улицятне эрить ламо ошка Россиянь европань пелькстэнть саезь чилисемасто, Тыва ды Саха видс. Покшчистэнть пурнавсть ВМРУ-нь улицятне Андрей Корольков, Андрей Петров, Дмитрий Рожков ды Олег Абарников, истя жо икелень улицятне Сергей Лещина ды Александр Красоткин.

Пурнавозтне ламо кортасть Викимедиянь историянзо, неень шкадонть, икелень шкатнеде. Эрьвась ёвтась лембе валт ды арсемат кода виевгавтомонзо, покшолгавтоманзо ВМРУ-нть. Гайневтевсть ламо кедькортавкс троксгак ломанть, кучт поздоровт. Россиянь Викимедиянь пурнавксонть улить пелькст (саемс, Башкирэнь, Эрзянь, Дон, Татаронь, Саха), конат пек вадрясто важодить, теде ульнесь тешкстазь, ды сынст тевс кирвастить пек ёроков Викимедиянь витнийть-ветийть.

Андрей Петров, «Эрзянь кельсэ Викимедиянь витнийть-ветийть» Пурнавксонть ветиесь казясь Викимедиянь РУ музеентень мазы нурькапанар, конасонть артозь содавиксэв Россиясо ды омбомасторсо Степан Эрьзя.

Кортамотне, ды пси чайенть симемась ламбамо пряканть марто каванямось ульнесь кувать, ды прядовсь ресторанонть пекстамонть видс.

 
 

Комментарии

Викиновости и Wikimedia Foundation не несут ответственности за любые материалы и точки зрения, находящиеся на странице и в разделе комментариев.