Викиновости:Сохранено для истории/Новосибирскойсэ ютась Россиянь раськетнень национальной литературань IV-це фестиваль

Лия кельтнесэ: русский • эрзянь

Россиянь раськетнень национальной литературань IV-це фестиваль. Новосибирск.

Новосибирск ошсо ютась Россиянь раськетнень национальной литературань IV-це фестиваль. Сонзэ бажамодонзо ушодовоманть икеле ёвтнесь Фестивалень пресс-службань прявтось Антон Веселов:

Программасонть алкуксонь дивань номерт. Меремс, национальной поэзиянь джемсэнть, рузонь ды азербайджанонь кельтнеде башка, кармить гайгеме мокшонь, кабардинэнь, абазинэнь ды сибирень пилентень апак тонадово лия кельть. Фестиваленть бажамозо – марямс, ванномс кельтнень «тевсэ», марямс географиянть ды валонь морамонть, максомс фильматненень, стихтненень ды моротненень, смустте башка, лия уликсчияк (измерения) – сехте сэрей мазычинь.

Икелень колмотне ульнесть Московсо, Казаньсэ, Нижней Новгородсо. Культурань ды оймсемань «Победа» центрасо невтевсть-гайгевтевсть малав комсь раськень кельть, конатнесэ сёрмадовить художественной произведеният, нолдавить книгат ды журналт-газетат, снимавить фильмат, касы-кепети сценической искусствась.

Эрзятнень ды мокшотнень пельде тов якасть Т. Мокшанова ды Н. Голенков.

Фестиваленть официальной панжомадо мейле ютавтовсь, кода сонзэ лемдизь, раськень поэзиянь джем, косо апак лотксе мельга мельцек ловновсть авторонь стихть абазинэнь, алтаень, башкирэнь, бурятонь, ингушонь, кабардинэнь, мансинь, мокшонь, ненецень, табасаранонь, удмуртонь, хакассонь, хантынь, черкесэнь, чеченэнь, эрзянь, якутонь ды дербенттнэнь азербайджанонь кельсэ.

Мейле Фестивалень тевтне вешкане ютасть колмо залга: «Основной сцена», «Лекторий», «Кинозал». Весе читнень перть важодсь книгань ярмунка, косо книгатне микшневсть сядо целковойде ды рамамост кисэ мик максневсть эрьва кодат вишка казнеть — седеяк покш мельспаронь теемга.

Россиянь раськень литературань фестивальтнестэ эрьвась мейсэяк явови икеле ютазденть. Неенсесэнть вана поэттнэ эсь биографиянь ёвтнемадо ды стихень ловномадо башка, ульнесть лекторокскак. Лекциятнень пингстэ эрьвась сюпалгадсь лия раськень культурань содамочисэ. Весе содавтсть фестивалев сазтнень эсь раськень литературанть чачома-касома кинзэ марто, мейле седе келейстэ панжсть кодамояк тема. Н.Голенков, меремс, ёвтнесь художественной произведениятнень мокшонь кельстэ рузонь кельс ютавтома стакачитнеде, Т.Мокшанова — эрзянь кельде, культурадо, эрямо койтнеде ды раськень оршамопельтнеде:

Мон а стяко истя оршнезян, – мерсь Татьяна, кедьсэ викшнезь оршамопелензэ невтнезь, – аволь секс, мекс те Фестивалесь свал ютни истя мазыйстэ (тердезтне яла раськень оршамосот), мон течи невтнян эрзянь оршамопельть, ускинь мартон омбоце комплекткак: кунсолыця тейтертнень ютксто киньгак карман оршневтеме эрзякс ды келейстэ ёвтнеме костюмонь эрьва пельксстэнть.

Новосибирскойсэ раськень литературатнень фестивалесь аволь ансяк таго невтинзе литературань, кинофильмань ды моронь тюсовчинть-ламочинть. Сонзэ сех сэрей бажамотнестэ вейкесь — лездамс раськетненень келест ды литератураст ванстома тевсэнть, келейгавтомс литературатнень ютксо сюлмавкстнэнь.

Неть кевкстематнень топавтомасо аштеськак Новосибирскойсэ фестиваленть вешемазо, кода вешемаст ютавтозь ды икелепелев арсевиця истямо жо фестивальтнень, конатнень ютавтни Россиянь раськетнень национальной литературатненень лездамо программась

, — тешкстызе «Грозный-информ» Информационной агенства марто кортницясь, Фестивалев тердезесь, ЧР-нь сёрмадеень вейсэндявксонь правленияс совицясь, содавикс поэтэсь ды кельстэ кельс ютавтыцясь Адам Ахматукаев.

• 
  Музыканты, представители разных народов, импровизируют. Слева направо: Раис Низаметдинов (Башкортостан) - неоднократный лауреат республиканских конкурсов по кураю и кубызу, дипломант всемирного конкурса "Хоомей", участник этно-инструментального проекта "Сал Урал" ("Седой Урал"), Болот Байрышев, (Алтай) - заслуженный артист Республики Алтай , мастер-исполнитель горлового пения кай, Дмитрий Сафьянов (Хакасия) - руководитель легендарного Хакасского народного ансамбля песни и танца "Жарки" ("Кун чахайагы"), Зоригто Батоциренов (Бурятия) - сказитель, мастер игры на товшууре,Юрий Романов - основатель и продюсер международного проекта "ВотЭтно!", некоммерческого объединения творческих людей для организации и проведения интересных событий , основой которых является традиционная культура народов России.
• 
  Т.Мокшанова с юными новосибирцами.
• 
  Инга Артеева.
• 
  Баннер фестиваля
• 
  Инга Артеева рассматривает эрзянский детско-юношеский журнал "Чилисема" ("Восход").
• 
  Т.Мокшанова облачает слушательницу своей лекции (тема: "Язык, культура, быт, национальный костюм народа эрзя"), жительницу Новосибирска Марину Баранову в эрзянскую национальную одежду, подробно рассказывая при этом о каждой детали.
• 
  Татьяна Мокшанова, Марина Баранова, Юрий Солдаткин - председатель правления Общественной организации "Местная национально-культурная мордовская автономия г. Новосибирска"

Источники