Вики-вастовома «Эрзянь келесь течи ды ванды: мезекс эрявить цифрань технологиятне 4.0 шкастонть» ютась Саранскойсэ
6 марта 2019 года
2019 иень эйзюрковонь 2 чистэ, Эрзянь келень ды культурань эрямонь «КОР» фондось ды «Эрзянь кельсэ Викимедиянь витнийть-ветийть» пурнавксось (UG EZY) ютавтсть Саран ошсэ вики-вастовома, конань лемезе ульнесь «Эрзянь келесь течи ды ванды: мезекс эрявить цифрань технологиятне 4.0 шкастонть». Вастовоманть анокстыцянзо: Андрей Петров — UG EZY-нь пурнавксонть ветий; Александр Учеваткин — «КОР» фондонть прявт.
Кортамонтень сакшность од эрзянь ломантне зярыя Россиянь регионсто: Татьяна Мокшанова (Саран ош), Андрей Петров (Москов), Александр Учеваткин (Саран ош), Андрей Бочканов (Саран ош), Николай Учеваткин (Саран ош), Владислав Антонов (Саран ош), Денис Кафтаев (Воронеж ош), Александр Данильчев (Саран ош).
Александр Учеваткин, эрзянь тонавтыця:
 | Чуди шкась, весе полавтови. Полавтовомс эряви эрзятнененьгак: теемс од эрямонь койть тевтненень, келентень, раскентень. Эряви видемс эрзянь келень видьметнень эрьва кува. Сы шка сынь - лисить касыть. |  |
Андрей Петров,UG EZY-нь пурнавксонть ветий:
| Эряви ушодомс седе домкасто ветямс минек проекттнэнь таркава, косо эрзянь кельсэ кортыть, косо сон кемекстазь прявт келекс (саемс, Мордовиясо, рузонь ды мокшонь келенть марто). Неень шкась сон седе келейгадсь цифровой таркас, секс Викимедиянь проектнэ тенень ансяк лездыть. Саемс, Википедиясь - те покш, олячисэ, интернетсэ аштиця содамкундо (энциклопедия), Викикундо - те олячисэ аштиця сёрмадовкст, конатнень ловныть ломанть, Викикулят - те ве таркасо пурназь кулятне эрьва мезде, ды сынь максозь ламо кельсэ, Викидата - те тарка, косо олячисэ сёрмадозь весе масторонь содамочись (сынь эрявить неень шкань искусттвенной интеллект арсимашинатнень туртов).
Минь течи кортынек пурнавозтнень марто кода келейгавтомост UG EZY-нь куронть вейсэтевтнень. Ды эряви чиезь те тевенть теемензэ. Мон весенень туртов путан Татарстанонь вейсэнь-викимедиянь ветийтнень («Группа татароязычных участников сообщества Викимедиа») - сынст ули вадря проект Вики-школа «Сэлэт», ды сынест вадрясто лездыть оляцинь контентэнь вейс пурнамо Татарстанонь Президентенть администрациясьгак. Седе тов ёвтнян Башкириянь викинь ветийтнэнь («Викимедийцы Башкортостана») эйстэ - «вики-бабинеть». Кой-кинь марто мон содавиксан, ды содан кодат сынь ёроковт. Арсян, Мордовиясояк те весэ эряви важодемс! | |
Теде башка ульнесь ютавтозь Викиэкспедиция, конасонть ульнесть теезь фотокувт Саран ошонь наследиянь культурань таркатнень/кеврунготнэнь (сон тесэ максозь рузонь кельсэ). Ламотне арасельть викиутомсо, ламотнень теинек, ансяк шкась весинень эзь сато, ды теемест сынст эряви кизна.
Ды чокшне весе молинек ваномо Мордовской Прявт Раськень Драмань театрасо Максим Горькиень «Апак лемде эрзянть тейтерь» (рус. «Дочь некрещеного мордвина») пьесанть, кона ульнесь путозь Валентинань Мишанинань «Мордовка» ды «Знахарка» сёрмадовксонзо лангс нежедязь. Эрзянь кельс ютавтызе Людмила Рябова. Режиссерось-путыцясь: Борис Манджиев (Россиянь ды Калмыкия Республикань заслуженной искусствань теветий).
Денис Кафтаев, UG EZY-нь пурнавксонть улий:
| Мон тонавтнян эрзянь келенть, ды ваномась тиринь кельсэ истямо паро лезэ. Весе налксемась ды кортамось чарькодеви. Якадо театрав, ванодо раскень невтемат. | |
Спектаклянь раскень кельсэ весинень ванмось — те лия кевстемась, конань эряви кепедстямс. Кой-кона эрзятне, конат эрить васоло томбале кевкстнить спектаклянь ваноманть интернет вельде.
Татьяна Святкина, UG EZY-нь пурнавксонть улий:
| Истямо ванома максы Я в театре платформась (Яндексэнь проект). Мекс а топавтомонзо те свискантень Мордовской Прявт Раськень Драмань театранть? Зярдо аштят васоло лямо тёжань вайгельпеть театрастонть ды ваномс вечкевикс спектаклятнень. Театрантень те ярмакт ды ваныцят, ды валдо ды паронь кандома ломантнень. | |
Вн. истя жоПравить
ИсточникиПравить
Комментарии
Если вы хотите сообщить о проблеме в статье (например, фактическая ошибка и т. д.), пожалуйста, используйте обычную страницу обсуждения.
Комментарии на этой странице могут не соответствовать политике нейтральной точки зрения, однако, пожалуйста, придерживайтесь темы и попытайтесь избежать брани, оскорбительных или подстрекательных комментариев. Попробуйте написать такие комментарии, которые заставят задуматься, будут проницательными или спорными. Цивилизованная дискуссия и вежливый спор делают страницу комментариев дружелюбным местом. Пожалуйста, подумайте об этом.
Несколько советов по оформлению реплик:
- Новые темы начинайте, пожалуйста, снизу.
- Используйте символ звёздочки «*» в начале строки для начала новой темы. Далее пишите свой текст.
- Для ответа в начале строки укажите на одну звёздочку больше, чем в предыдущей реплике.
- Пожалуйста, подписывайте все свои сообщения, используя четыре тильды (~~~~). При предварительном просмотре и сохранении они будут автоматически заменены на ваше имя и дату.
Обращаем ваше внимание, что комментарии не предназначены для размещения ссылок на внешние ресурсы не по теме статьи, которые могут быть удалены или скрыты любым участником. Тем не менее, на странице комментариев вы можете сообщить о статьях в СМИ, которые ссылаются на эту заметку, а также о её обсуждении на сторонних ресурсах.
