Вики-экспедициясь якаcь инжекс Рябовонь буе-раськенть туртов

Лия кельтнесэ: русский • эрзянь • мокшень • English

17 сентября 2019 года

Вики-экспедиция: представители UG EZY, мокшанская писательница Валентина Алемайкина в гостях у Галины Владимировны Поповой
В этой статье упоминается Фонд Викимедиа, какой-либо из его проектов или люди, имеющие к ним отношение. Викиновости — один из проектов Фонда Викимедиа.

Рябовонь Анатолий Павловичень лемензэ содасы эрьва эрзясь, кона вадрясто канды эсензэ раськень культуранзо. Анатолий Рябовонь чачома чистэ ютавтови Эрзянь Келень Чи школатнесэ, ловнома ды культурань кудотнесэ. Ансяк, те эрзянь кудо-раськесь Ицял буень Ламбаське велестэ макссь миненек лия содавиксэв наукань ды келень ветийтьнень, зярдо ульнесь путозь-стявтось Мордовия Республикась.

2019 иень умарьковонь 11 чистэ «Эрзянь кельсэ Викимедиянь витнийть-ветийть» курос совицятне, мокшонь кельсэ сёрмадеенть Валентина Владимировна Алемайкинань марто ульнесть инжекс Галина Влаимировна Поповань (чачозь буелемезэ Рябова) кедьсэ. Сон эри Ине-Петрань ошсо, ды сон Владимирэнь (Рябовонь Анатолий Павловичень ялаксонзо) тейтерезэ. Сон ульнесь эрзянь кельс ютавтыцякс, келеньсодыекс, ансяк прядсь рабфак ды Тимерязеской академиянть. Сон ютавтынзэ эрзянь кельс ды печатазь «Сятко» ковкставксонть Николай Некрасовонь «Кому на Руси жить хорошо», Александр Пушкинэнь «Сказка о рыбаке и рыбке» ды сон ушодсь ютавтомо «Калевала» суоминь-карелэнь морокерьксэнть. Теде башка сон важодсь 1936 иень «Сталинэнь конституциянть» эрзянь кельсэ.

Вики-экспедиция: респондент Галина Владимировна Попова (дочь репрессированного в 1937 году эрзянского переводчика, агронома Владимира Рябова)

Галина Владимировна вечкема марто невти тенек фотокувт одсто тетянзо ды аванзо, Толя лелянзо (Анатолий Рябов), Соня патянзо, кона ульнесь колмо иеть сонензэ авакс, Рябовтнэнь покштянзо-покшаванзо ды лия малавикстнэнь. Сонензэ ульнесь 1 ие, зярдо сон кадовсь тетянзо -аванзовтомо (авазояк пель иень ютазь тетянзо мейле ульнесь репрессияс чопавтозь):

«Тетянь саизь ды пекстызь 1937 иень аштемковсто, а авань ансяк ожоковонь 22 чистэ. Тетянь саизь чить, садпиресэ ульнесть кавто умаринат – ты сонзэ ветить. Ёвтнесь авам, ансяк теке. А вана авань мельга састь веть. Весе ули-паронок саизь, конвоирэсь мерсь: «Пакшась потестэнть кардазь? Сестэ сонзэ эряви ковгак ладямонзо.» Сынь тусь ошганть ды пачкодсть Соня патянь ды Александра Михайловнань бабань кудонть видс. Ды максымизь вальмава мезень бути канст марто ды весе!»

Галина Владимировна ёвтнесь Соня патянзо эйстэ, конань чамарунгонзо од шкасто артызе Федот Сычков артындеесь. Весемекс ульнесь сёрмадозь-снимсезь чассто ламо ванмот, теинек 1920 иень фотокувонь копият, конат улить Галина Владимировнань кедьсэ, кулялопань панкст ды копият тетянзо эйстэ. Галина Владимировна ледстнесь мезе тензэ ёвтнесть тетянзо ланга авазо ды мельспаросо кадовсь зярдо неинзе интернетсэ тетянзо ютавтозь эрзянь кельсэ цифрань копиятнень.

Петрянь Андю, UG EZY курнь тевтнень ветиесь:

«Минек те вики-экспедицясь ульнесь теезь вана мезекс - пурнамс вейс а содавиксэв ледстнемат эрзянь кельс ютавтыцядонть, келеньсодыенть Владимир Анатольевич Рябовонь эйстэ. Покш лелядонть, Анатолий Павлович Рябовдо седе ламо информация кадовсь. Мердянок покш сюкпря, Галина Владимировнане ёвтнеманзо коряс, невсь знярыя фотокувт буе-раськень архивстэст.»

Вн. истяжо править

Источники править

Оригинальный репортаж
Эту статью написал Андрей Петров (Erzianj jurnalist) специально для Русских Викиновостей. Она содержит ранее не публиковавшиеся материалы или исследования, источником которых является сам автор. Статью проверил и опубликовал редактор Александр Красоткин (Krassotkin). Вы можете свободно без согласования и выплаты вознаграждения копировать, распространять и изменять эту статью в любых целях, включая коммерческие, однако вы обязаны указать автора, источник и лицензию. Например, так: Андрей Петров, Александр Красоткин; Викиновости; CC BY 2.5. Вы также должны обозначить изменения, если таковые были сделаны. Лицензии изображений уточняйте на их страницах на Викискладе.

Комментарии

Викиновости и Wikimedia Foundation не несут ответственности за любые материалы и точки зрения, находящиеся на странице и в разделе комментариев.