Тбилиси ошсо ютавтовсь Европа ёнксонь промксось
ожоковонь 08це чись, 2023
| В этой статье упоминается Фонд Викимедиа, какой-либо из его проектов или люди, имеющие к ним отношение. Викиновости — один из проектов Фонда Викимедиа. |
2023 иень таштамковонь 15 чистэ — 2023 иень таштамковонь 17 чис Тбилиси ошсо ютавтовсь эрьва иень Википедияс сёрмадыця ломантнень промксось. Тезэнь пурнавить Куншка ды Чилисема Европа ёнкосонь сёрмадыцятне - Wikimedia CEE Meeting 2023. Пурныцясь-анокстыцясь ульнесь Грузиянь юзер-курось.
Лецтясынек тыненк косто саевсь истямо покш промкссто арсемась: васеньцеде теде кортамось ульнесь аволь официальной вастовомасо 2011 иестэ Хайфа ошсо. Истямонь кондямо васеньце промкс ульнесь пурназь Белград ошсо (2012 иестэ), теде мейле Модрасо (2013 иестэ), Киевсэ (2014 иестэ), Вооресэ (2015 иестэ), Дилижан ошсо (2016 иестэ), Варшава ошсо (2017 иестэ), Львовсо (2018 иестэ), Белградсо (2019 иестэ), COVID-19 шкане кавто промкст ульнесть ютавтозь онлайнсо. Ды меельце промксось ютась Охрид ошсо (2022 иестэ). Свалшкань коень коряс промксось ютавтовсь зярыя форматсо: кода лекция, кода семинар, воркшоп ды вейсэнь кортамонь морго. Весе кортамотне мольсть вейке шкане 3 нупальсэ. Вейкесэнть ульнесь анокстазь рузонь кельс синхронной ютавтомат. Весе кортамотне ульнесть записязь. Юзер-куросто сыцятне ульнесть кочксезь вайгелень максомань кувалт. Се куротне, конатне эсть саво, ёвтнесть эсь тевдест постеронь кувалт, кода тейсь историянь ванныцянь курось Эсь Чивалгомань-Пелеве ёнкосонь эсь масторонь содыйтнень курось.
Ютавтома таркакс ульнесь кочказь Грузия масторонь сехте ташто Иване Джавахишвили лемсэ университетэсь. Сон аштесь ошонь куншкасо, косто шождасто пачкодят делегатонь эрямо таркас. Весе шкань перть лездыцякс аштесть промксонь волонтёрт.
Промксонь ютавтомась ульнесь нежедезь «Ялгаксчинь таркань Политика» лангс (Universal Code of Conduct), «Од ломантнень беряньде ванстомадо Политика» (Youth Safety) лангс ды «Эсь ланга содамочинь салавасто кирдема Политикань лангс» (Data privacy policy).
Промксонть икеле ютавтовсь тонавтома сессиясь, косо ванновсть интересэнь конфликтэнь кевкстемат.
Тбилиси ошось каршовастынзе инжетнень лембе перть-пелькссэ ды кавто пиземе марто. Сыцятне свалшкань коень коряс тусть марост эрьва месть тантей моргонь туртов. Кой-кить кантнесть раськень оршамопельть. Промксонть ушодкссо свалчинь коекс кармась весе делегатонь вейсэнь официальной фотокувось:
Мезде мольсь конференциясо кортамось: кедьсэ невтевиця кель - кода содамочинь сравтомань од лув, электронной беряньде ванстомань юрт, «покш нуртямопель» — ломанень википедияс тердемань-совавтомант од лув, татаронь культурась ды татаронь Википедиясь: параллельть, процесст ды эрявиксчи. Не кортамотнень ды лиятнень записест тынь мусынк викиутомсо: c:Category:Wikimedia CEE Meeting 2023. Промксонь таркась Мета-викисэ — m:Wikimedia CEE Meeting 2023, промксонь программасо ловнодо тестэ: m:Wikimedia CEE Meeting 2023/Programme. Ютубсэ записьтне путовить тезэнь @wikimediacee7298. Неень шкане тосто муевить истят записть:
Russia - editing Wikimedia projects in the time of cholera - by Victoria Doronina- Digital Security Basics - by CMaslak WMF
- WikiHerald — a way to inform and motivate the Wiki community. Ukrainian Experience - by Perohanych
- Bridging Divides, Embracing Diversity: The Role of Wikimedia Community - by Anna Prodromou
- Wikimania 2024 Workshop
- Cultural Ambassadors as a link between Wikimedia projects and the GLAM world - by Gereon Kalkuhl
- Collaborating in CEE and Beyond - by Lucia Obst and Ivana Madžarević
- Lightning talks for September 16
- Meet the CEE Youth group
- WikiClubs experience in Georgia
Ютубсэ рузонь кельсэ кунсоломань туртов кармавтынк субтитратнень ды теде мейле сынст рузкс ютавтомаст. Яндекс-браузерэнь тевс нолдамсто содадо - сон машты тееме эсь ютавтома лия кельс (аволь ютубсо), ды машты тень теемс кортыцякс.
Кодат арсемат ульнесть марязь ды кортавтозь тософорума Русской Википедии:
 |
Вейсэнь арсема: бути тевесь а решави 14 чинь перть, те а решави 15 чиндяк перть.
|  |
Лият, конвференциясо улиця инжетне, явить мель сенень, кодамо паро ульнесь Мцхетань бокасо Джвари монастырентень ардомась, сон ашти Арагвань ды Курань вейспрамо таркасо. Те таркась ловови М. Ю. Лермонтовонь «Мцыри» поэмань таркакс, сон жо ашти Грузиянь васеньце весе масторонь тевкадовксонь памятникекс . Экскурсиядо мейле ульнесь путозь покш, сюпав морго инжетненень.
Конференциясо аштицятне явить мель: кода карматадо Грузиянь курова яксеме, ванодо пильге алов — ушосо пек ламо эрьва кува удыця кискат. Сынь весе чип мартот ды кияк эйсэст а панци. Ломантне мелень явозь ютасызь. Кискатне истя аштить эрьва кува: аэропортсо, прявт куросо, университетэнь кустембесэ, банков ды лавкав совамо таркава. Стамбаро!
Бути вечктядо ташто книгань лавкат, тыненк а сави эйсэст вешнемс: ташто ловнома пелень микшницятне аштить весе прявт куронь перть. Тесэ тынь мутадо книгат рузонь, грузиянь ды англань кельсэ. Мезе муинь мон? Саемга, Борис Пастэрнаконь "Грузиянь валморонь кочказь ютавтомат" 1947 ие, "Заря Востока" книгань нолдамо тарка.
-
Конфликтонь ванномась, лекциянь ловныцясь - Асаф Бартов — тонавтомань чи (калонь чи, 2023 иень ожоковонь 14 чись) -
Wikimedia CEE Meeting 2023 Од ломанень курось — 1це чись (сюконь чи, ожоковонь 15 чись) -
Wikimedia CEE Meeting 2023 Од ломанень курось — 2це чись (шлямо чи, ожоковонь 16 чись) -
Свалшкань коесь - "ламбамо моргось", тантий тевть, конатне туевить эрьва кодамо масторсто -
Грузиянь ды Армениянь википедисттнэ -
Википедисттнэ, конат сёрмадыть тюркань келень раськень кельтнесэ -
Чип марто кискат Грузиянь куротнесэ -
Ялгаскчинь сэдесь Тбилисисэ
Вики-краеведы Северо-Запада России постэрось, коонась путозель куронь тевтнень невтемань кувалт:
 |
Предыдущие новости: |
Источники
править
Комментарии
Если вы хотите сообщить о проблеме в статье (например, фактическая ошибка и т. д.), пожалуйста, используйте обычную страницу обсуждения.
Комментарии на этой странице могут не соответствовать политике нейтральной точки зрения, однако, пожалуйста, придерживайтесь темы и попытайтесь избежать брани, оскорбительных или подстрекательных комментариев. Попробуйте написать такие комментарии, которые заставят задуматься, будут проницательными или спорными. Цивилизованная дискуссия и вежливый спор делают страницу комментариев дружелюбным местом. Пожалуйста, подумайте об этом.
Несколько советов по оформлению реплик:
- Новые темы начинайте, пожалуйста, снизу.
- Используйте символ звёздочки «*» в начале строки для начала новой темы. Далее пишите свой текст.
- Для ответа в начале строки укажите на одну звёздочку больше, чем в предыдущей реплике.
- Пожалуйста, подписывайте все свои сообщения, используя четыре тильды (~~~~). При предварительном просмотре и сохранении они будут автоматически заменены на ваше имя и дату.
Обращаем ваше внимание, что комментарии не предназначены для размещения ссылок на внешние ресурсы не по теме статьи, которые могут быть удалены или скрыты любым участником. Тем не менее, на странице комментариев вы можете сообщить о статьях в СМИ, которые ссылаются на эту заметку, а также о её обсуждении на сторонних ресурсах.
