Ине-Петрань ошсо ютась XIII-це келень фестивалесь

Geographylogo.png Лия кельтнесэ: русский • эрзянь

1 ноября 2019 года

В этой статье упоминается Фонд Викимедиа, какой-либо из его проектов или люди, имеющие к ним отношение. Викиновости — один из проектов Фонда Викимедиа.

2019 иень ожоковонь 27 чистэ ютась XIII Ине-Петрань ошонь келень фестивалесь. Лездась теемензэ ды ютавтоманзо НИУ ВШЭ, пурныцякс ульнесь Рузонь эсператосо кортыцянь вейсэнявкс.

Васенце фестивалесь, кода сёрмадозь программасо; «ульнесь ютавтозь 1995 иестэ Тур ошсо, Франция масторсо. Сы иестэ сон ульнесь ютавтозь Чебоксар ошсо, Чувашия. Теде башка истят фестивальть ютасть Ине Новгородсо, Минскойсэ, Ижевскойсэ, Ульяновскойсэ, Сочисэ».

Те иестэ фестивальсэ ёвтнесть 37 келень ланга, сынст ютксо: вьетнамонь, поляконь, армянонь, каталанонь, венгрань, румынонь, кезэрень греконь,, этрускань, ненецень, китаень, латынень, эсперантонь, башкирэнь, саамонь, финнэнь, осетинэнь, алеутонь, скотс, науатль ды лият.

Кельтнеде башка ёвтнезель культурань ды эрямолувонь ланга. Саемга, «Келень ланга мифтне»(ванмот), «Китаень валкст», «Балканонь морот», «Эрямонь улемась келень куломадо мейле», «Кода теемс сёрмадома лув, конась весеменень мельс туи?». Ульнесь пек паро презентация баскань морамонь лув ланга. Баскат ютавтыть морамонь пелькстамо — берчулари. Сон невтеви интернетсэ, ялатеке ваномо сыцятнеде — покш концертэнь зал. Билеттнэ — питнейть. Ваныцятнень ютксо ламо од ломанть. Презентациясо ёвтнесть те берчулари ютавтомадонть: кить сыть морамо, мезде эряви морамс, мезде а эряви морамс, кода морамс. Пелькстамо лисить кавтонь-кавто. Ветицясь ёвтасы мезде эряви морамс. Васенце морыцясь кочкси бойкасто морамо лув, омбоцентень эряви морамс истямо жо морамо лувсо. Валтнэ улест валморокс! Эрьвась моры кавто рисьметь (строчкат). Валморось улезе мельстуиця! Те коесь умонь. Ванстовсь вадрясто, секс мекс баскань масторсо пек ламо берчулари тонавтнема таркат покштнэнь ды эйкакштнэнь.

Петрянь Андю — «Эрзянь кельсэ Викимедиянь витнийть-ветийть» пурнавксонь ветицясь, «Викимедиа РУ» ветикурос совиця невтизе эсь презентациянзо «Википроектнэ кода эрявикс кедьёнкс рузонь масторсо кельтнень ванстоманень». Омбоце лекциянь пельксэсь алтазель Вячеслав Ивановнэнь, конась ёвтнесь, кода теевсь пелевеёнксонь Кавказонь Википедиянь вейсэнявксось (Wikipedians of North Caucasus User Group).

Фестивалень койсэ невтемс эрьва кодат кельть ды культурат. Кой-кодат кельтне ёмамо лангсо: лангсост кортыть 1-10 ломанть. Фестивалесь моли вейке чи 6 част. Эрьва чассо 9-10 кортыцят, Пек стака кочкамс, козонь молемс: мель ули молемс весеменень ды кунсоломс весень.

Истямо фестиваль карми ютамо Москов ошсояк ацамковонь 1-це чистэ. Садо!

 

ВантПравить

ЛисьмапрятПравить

Оригинальный репортаж
Эту статью написал Андрей Петров (Erzianj jurnalist) специально для Русских Викиновостей. Она содержит ранее не публиковавшиеся материалы или исследования, источником которых является сам автор. Статью проверил и опубликовал редактор Семён Красоткин (DonSimon). Вы можете свободно без согласования и выплаты вознаграждения копировать, распространять и изменять эту статью в любых целях, включая коммерческие, однако вы обязаны указать автора, источник и лицензию. Например, так: Андрей Петров, Семён Красоткин; Викиновости; CC BY 2.5. Вы также должны обозначить изменения, если таковые были сделаны. Лицензии изображений уточняйте на их страницах на Викискладе.
 

Комментарии

Викиновости и Wikimedia Foundation не несут ответственности за любые материалы и точки зрения, находящиеся на странице и в разделе комментариев.