Кода ютась V Эрзянь Инекужось
13 июля 2016 года
category = Нолдазь category = Республика Мордовия notcategory = А нолдамс notcategory=Викиновости коротко count = 4 stablepages = only suppresserrors = true namespace = Main addfirstcategorydate = true ordermethod = created
</dynamicpagelist><dynamicpagelist>category = Нолдазь category = Саранск notcategory = А нолдамс notcategory = Викиновости коротко count = 4 stablepages = only suppresserrors = true namespace = Main addfirstcategorydate = true ordermethod = created
</dynamicpagelist><dynamicpagelist>category = Нолдазь category = Эрзяне notcategory = А нолдамс notcategory = Викиновости коротко count = 4 stablepages = only suppresserrors = true namespace = Main addfirstcategorydate = true ordermethod = created
</dynamicpagelist><dynamicpagelist>category = Нолдазь category = Финно-угорские народы notcategory = А нолдамс notcategory = Викиновости коротко count = 4 stablepages = only suppresserrors = true namespace = Main addfirstcategorydate = true ordermethod = created </dynamicpagelist>
Кода содатадо 2016 иень медьковонь 7-це чистэ Саран ошсо ульнесь ютавтозь V-це Эрзянь Инекужо. Россиянь ды омбомасторонь эрьва ёнксто сыця эрзятне пурнавсть А. С. Пушкинэнь лемсэ библиотекасо. Весемекс састь 52 кучозь делегатт ды ванныцят Казахстанонь ды Эстэнь Мастортнэстэ, Москов, Петра, Обран ды Челяба оштнестэ, Самарань, Красноярскоень, Тюменэнь, Мурман ёнкстнэстэ.
Инекужось панжовсь «Тюштя» моросонть, конань виевстэ серьгедизь «Торама» седямо курось: ульнесь кандозь эрзянь штатол, весе стясть. Кортамонть панжизе ветямокуронть прявтось Эрюшонь Вежай. Сон кирвастезесь Пазонь штатолонтькак. Теде лецтясь Кшуманцянь Пиргуж:
 | Свал кода эрзятне пурнавить вейс, кужос кирвастильть свал Пазонь штатол. Те чинть перьть, кода содатад Инекужонть прявтокс ульнесь Эрюшонь Вежай. Инескеть, кирвастик тон Пазонь Штатолонть. |  |
Мейле ульнесь теезь од эрзянь кой — максозь орден, конань анокстызь ды теизь Эрзянь Инекужось, Эрзянь келень идема Фондось ды «Руця» Фондось. Эйстэдензэ кортась арсицязо Эрюшонь Вежай:
| Иезэнзэ весть ансяк се ломанентень, кона ламо иенть перть, эли весть путы пек покш путовкс эрзянь раськеть тевс. Кувать арсинек тень коряс, кувать пелькстынек тень коряс, тынсь сотадат кода эрьва тевесь эрзятнень ютксо тееви а шождасто. Ялатеке пелькстамодо мельга, кевкстинек интернетсэ, сехте ламотне ёвтызь «Эрзянь Мастор» кулялопанть редакторонть лемензэ Нуянь Видязонь. Секскак куроксто минь анокстынек те казненть ды инязорось сёрмадстынзеть течи Кемевть лопанть (рузкс удостоверение). Секскак мон макса сонзэ Инязоронтень, - те карми покш сонзэ тевезэ. | |
Весенень, кие сась Инекужов ульнесь максозь ваномо Арсевкс 5-це Эрзянь Инекужонть Мельяволявксозо. Васенцекс кортамо лись Шарононь Сандра, «Масторава» эрзянь морокерьксэнть теицязо-пурныцязо:
| Ламонтне тесэ улицятне ловнызь монь «Эрзя, Меря, Русь» монографиям, косо парсте невтезь эрзянь ды суоми-угратнень таркаст Россиянь историясо?! Пароль тонавтомс сонзэ, петьс-пес - VIII-це пингестэ саезь. Мезе ульнесь седе икеле минь аздатанояк. Арсян, «Масторава» Пурнавксось максь ламо эрзянь теевкст, раськеденек кармасть содамо пек ламо. Интернетсэ эряви теемс виртуальной Эрзянь Мастор! Сестэ Эрзянь раськесь карми виевстэ молеме икелев. | |
Оймсемадо мейле, сазь эрзятненень, кортамо лись Петрянь Андю, Петра ошсто. Сон ёвтнесь, кода меля МАФУН-с (Одломанень Суоми-Угрань Раськень Вейсэндявкс) ульнесь примазь кавто од эрзянь ломанень пурнавкст: Эрзянь Инекужосто ды Петра ошонь ды Ленинградонь ёнксонь эрзянь вейсэндявкс «Эле». Теде башка сон ёвтнесь эрзянь келенть сравтомадо интернетсэ — кодат улить вальмат, мезе теезь Викимедиянь проектсэнть: Эрзянь Википедия ды Викикулят (Викиновости). Ды седе тов виевстэ вешсь лезэ не тевтнень теемстэ:
| Мекс Огарев лемсэ институтонь студентнэ а теить валкстнэ, а сёрмадыть Википедиясо? Эрзятнеде малав 400 000 (меельце сёрмадстоманть коряс), Википедиясо сёрмадыть, ансяк 3 (!) ломанть. Невтемга, удмурттнэ седе ламо теить, улить программинестэст, нолдыть Android-энь путовкст, аваль умок лись Яндекс-сэ ютавтома лездыця теевкс. | |
Теде мейле лись кортамо Аношонь Тумай, Эрзянь шкинемань музеенть прявтось, Лугоянсто, Обран ошсто:
| Миненек эряви теемс вейсэнь тев – одс кепстямс Эрзянь Масторонок. Аволь сёлномс карадо каршо. Неень шкасто эрзянь прявтнэнь калавтыть кода поцто, истя жо ушо ёндояк. Минь Обран ёнксонь эрзятне тейтяно покштянок-аванок тевтнень. Арсетяно панжомо чувторунгот се эрзятненень, конат ламо вий ды эрямост кадызь минек раськенек кис. Теезь ды вети тев а вейке ие «Лисьмапря» этнокужось Лугоян Новосёлки веленть вакссо. Тердтяно весень садо медьковонь 23 чистэ тенек покш чис. | |
Пек виевтсэ ды парсте кортась Калаганонь Керяз, тавлань керсицятнень «Эрьмезь» вейсэндявксонть прявтось. (Вирь Тавла, Кочкурбуе, Мордовиясо). Сон лецтисэть, Йовлань Олонь лемсэ «Этно-Кудо»-сь Вирь Тавласо – те васеньце эрзянь тарка Мордовиясо, кона ульнесь стявтозь-путозь «Сюлгамо» туристэнь якамо кис. Эйсэнзэ сюлмавить таркат Мордовиясо, Татариясо, Обранонь, Ульянонь, Самарань ды Пензань ёнкстнэсэ. Ды весень тердсь само инжекс:
| Веси эрзятнень ды лия раськетнень эряви содамс Эрзянь шкинеманть. «Торомась терди» тедиде карми таштамковонь 10-це чистэ, карми алтавозь Йовлань Олань 65-иень Чачома чистэнзэ. Садо лиси «Этно-Кудов»! Учотанок! | |
Теде мейле максозь вал Нунь Видязнэнь, Эрзянь Келень Идема Фондонть совицязо:
| Эрзянь келень сестэ карми педямо пакшатненень, зярдо кармить эрзянь эйдень кужот, 1-це чистэ. Сехте покш проблемась - эрзянь келень а тонавтомась школасо. Эйкакшонь кудосо а кортыть, кадык школасо васенце классто тонавтнить. Ды монь покш мелем Эрзянь Инекужонть ютавтомс иенть весть, аволь весть ниле иес. | |
Инекужонть важодеманзо прядомсто ульнесь кочказь Вети курось: Безаев Михаил Иванович (Обран ош), Эрюш Вежай (васенце полавтыця, Мурман ёнкс), Петрянь Андю (омбоце полавтыцязо, Петра ош). Седе тов куроньте совасть ломаньте: Гайнинькай Пичай (Красноярск ёнкс), Вирьнень Инзейне (Челяба ош), Калаганонь Керяз (Эрзянь ды Мокшонь Мастор), Кувакань Азор (Казахстан Мастор).
Весе кучозь V Эрзянь Инекужонть делегатнэ кемекстызь 5-це Эрзянь Инекужонть Мельяволявксонзо Арсевксэнть:
5-це Эрзянь Инекужось, кона важодсь-ютась кода келей раськень промкс, Саран ошсо 2016 иень 7-це чистэнть, варчнизе-онкстнизе ды кортызе эрзянь раськенть неень шкань эрямонзо.
Инекужось сась мельс:
Эрзянь раськенть неень шкань эрямонзо Инекужось лови пек стакакс ды яла стакалдыцякс.
Эрзянь раськесь пек эрязасто шашты-айги ёмамос-куломас. Куроксто вишкиньгады-алкиньгады раськенек ламоксчизэ, седеяк курок аламолгадыть эрзякс кортыця ломантне, васняяк, од ломантнень ды эйкакштнэнь ютксо.
Ине чумонть тень кис Эрзянь Инекужось, васняяк, путы Россиянь Масторонь кирдивиенть лангс, кона Прявтмасторкоень-Конституциянь колсезь, а путы эрявикс вийть-тевть эрзянь раськенть ды лия вишка раськетнень ванстомас, мекевланк, везе вийсэ рузыявты ды «мордвиявты» эрзянь раськенть.
Покш чумо мади-путови неень шкань сеть эрзятнень лангскак, конат а чарькодить эсь раськень стака эрямонзо-кажонзо, а марить сынст ды а путыть виест-превест эрзянь раськенть идемань-ванстомань тевс.
Эрзянь неявикс ломантненень, эрзянь вейсэндявкстнэнень эзь пурнавт раськенек вейс, ве пусмос, вейке кесакс-кирес, кона цидярдоволь неень шкань зыянтнэнь-стакачитнень каршо.
Эрзятнень яви эсь раськень вийс-превс а кемемась ды кирдивиень лепштямось-матрамось.
Эрзятне кармасть пек пелеме макснеме-невтнеме мелест-вайгелест эсь эрзянь раськенть кис.
Секскак неень шкань эрямосонокак икеленек кадовить пек эрявиксэкс, топавтомас путовиксэкс сеть мельтне ды тёкшмельтне, конат ульнесть кемекстазь I, II , III ды IV-це Инекужотнесэ, сынст мельяволявтоматнесэ ды лия тевконёвтнесэ.
Васенцетне эйстэст: эрзя леменек, эрзянь келенек ванстомась ды раськенек ламолгавтомась, касомась.
Мезть тейнемс эрзятненень, эрзянь вейсэндявкстнэнень неень стакадояк стака шкастонть?
- Депутатонь кочкамсто вайгельть макснемс ансяк сеть партиятнень, депутаттнэнь кис, конат а пелить ёвтамо мелест-валост Эрзянь раськенть кис. Терявтомс кочкамс эрзянь депутатт.
- Кирдивиень тевкуротнень икеле эряви апак пеле стявтнемс кевкстематнень эрзянь раськень ванстомадо-идемадо.
- Кемекстамс уликс эрзянь вейсэндявкстнэнь, теемс одт эрзянь вейсэндявкст, васняяк, тосо, косо сынь арасть.
- Арсемс эрзянь ломанень виев вейсэндявксонь теемадо, конанть улевельть-сатовольть виензэ ютавтнемс эрзянь вейсэнь покшчить ды коень-кирдань ванстомань кенярксчить.
- Эрзянь вейсэндявкстнэнень, эрзянь тевтнень ветийтненень кеместэ аштемс эрзя раськелеменек кис, а максомс сонзэ рузыявтомс-«мордвиявтомс».
- Эрзянь од ломантненень пароль топавтомс икелень Инекужонь меленть: теемс эрзянь од ломанень вейсэндявкст, конатнес совавтнемс касыця эрзятнень, ды конатнень вельде сюлмавтомс од эрзятнень раськень ванстома тевенть марто.
- Мезе вийть аштемс эрзянь кулялопатнень, ковнолдавкстнэнь ванстомаст кис.
- А максомс рузыявтомс-«мордвиявтомс» эрзянь покшчитнень.
- Мезе вийть пурнамс раськенек вейс эрзянь раськень ванстома-идема тевсэнть.
- Эйкакшонь чачомсто эрзятненень бажамс макснеме эрзянь лемть. Сестэ минь караматано седе виевекс.
Эрязо Эрзянь раськесь!
5-це Эрзянь Инекужонь анокстамо курось.
Витнезь 5-це Эрзянь Инекужонть Мельяволявксозо карми невтезь эрьва кодамо эрзянь кельсэ кулянь пачтямо таркасо.
Лисьмапрят
править
Комментарии
Если вы хотите сообщить о проблеме в статье (например, фактическая ошибка и т. д.), пожалуйста, используйте обычную страницу обсуждения.
Комментарии на этой странице могут не соответствовать политике нейтральной точки зрения, однако, пожалуйста, придерживайтесь темы и попытайтесь избежать брани, оскорбительных или подстрекательных комментариев. Попробуйте написать такие комментарии, которые заставят задуматься, будут проницательными или спорными. Цивилизованная дискуссия и вежливый спор делают страницу комментариев дружелюбным местом. Пожалуйста, подумайте об этом.
Несколько советов по оформлению реплик:
- Новые темы начинайте, пожалуйста, снизу.
- Используйте символ звёздочки «*» в начале строки для начала новой темы. Далее пишите свой текст.
- Для ответа в начале строки укажите на одну звёздочку больше, чем в предыдущей реплике.
- Пожалуйста, подписывайте все свои сообщения, используя четыре тильды (~~~~). При предварительном просмотре и сохранении они будут автоматически заменены на ваше имя и дату.
Обращаем ваше внимание, что комментарии не предназначены для размещения ссылок на внешние ресурсы не по теме статьи, которые могут быть удалены или скрыты любым участником. Тем не менее, на странице комментариев вы можете сообщить о статьях в СМИ, которые ссылаются на эту заметку, а также о её обсуждении на сторонних ресурсах.
