Пензань эрзятне чиизь Чинь-вень эстафетанть

Geographylogo.png Лия кельтнесэ: русский • эрзянь

28 июня 2020 года

Ютазь оймсема читнестэ 2020-це иень панжиковонь 20-це чистэ 12:00-це часто саезь панжиковонь 21-це 12:00-це часонь видс города Пенза Олимпийянь аллеясо ютасьсь «Суточная эстафета 20И2020». Те чиемась юты истямо морматсо: знярыя чиицятне чиить вейке чи-ве ды полавтовить, ды ансяк вейкесь лиси этапс весть. Те марафонось вейсэнди кувака шкань коряс чиемань вечкицятнень. Смустезэ ютамс 24-це часонь перть пек ламо вайгельпеть.

Те истэнть эстафетасонть ульнесть знярыя чииця клубонь ды школань улицят: PnzRun, Бегуччи, А. Болховитэнь чиицянь школа, Mikkeler running club, ды ульнесь Таэквондонь школань ветий. Истяжо чийсть ошонь раськень-культурань вейсэндянвксто – «Местная мордовская (эрзяно-мокшанская) национально-культурная автономия города Пензы» кавто вейсенлявксонь совицят Николай Стенькин ды Алексей Кротов.

Чиемань статистикась истямо: 2020-це иестэ чиицятнеде ламолгадсть кавтовкст - 63-цеть 30-цень коряс меля. Весе тейтерь-аватне чийсть вейке покш кирькс (4140 м), истяжо чийсть цёратнеяк, ды кинь ульнесь мель чиемс 1 кирькс; 2 кирькст чийсть снеть, кие вадрясто чийнильть; ды 3-4 кирькст чийнесть профессиональнойть чийницят. Пакшатне чиильть 1-ке вишка кирькс – 1100 метрат.



Николай Стенькин, «Ялгат» Пензань эрзянь-мокшонь культурной автономиянть прявтонть полавтыцясь:

« Васенцеде ули мель ёвтамс сюкпря Вячеслав Кубиснэ марафононть арсиндеентень туртов. Покш лезэ эстафетанть ютавтомсто тейсь PnzRun пензань чиема клубосьгак. Раськень пурнавкстнэде минь ульнинек вейкинекс. Тердтяно эрзятнень лия таркасто, каподемензэ эстафетань мандонть ды чиемс. Тень туртов ульнесь пек нурькине чиемась, малав 4 вайгельпеть куроксто ютынь.»



Классикань эстафетанть арсесть пачтямо кедьте-кедс, ансяк ве чиицясь Денис Панкратов эсь кедьсэ тейсь чувтонь мандо, конань лангсо пултынзе чиицятнень весе лемтнень. Алексея Кротовонь, эрзя-блогерэнть ды «Ялгат» Пензань эрзянь-мокшонь культурной автономия туртов те ульнесь аволь васенце чиемазо:

« Те монь аволь васенце истямо кондямо чиемаст: мон чиекшнынь знярыя пельсмарафонт ды вейке марафон. Меля мон ульнинь «Суточная эстафета» чиемасонть ды весемекс ютынь 8 вп. Меленьсесь прясом кадовсь мейсэ – ушодынь 23:30 часто васенце чиема чинть ды прядыя 00:20 часто омбоце чинть. Эсь прянть вастомадонть мейле истят налксематне максыть лезэ ды вадря ёжо. Ульнесь мелем вадрялгавтомонзо чиема шканть, ды невтемс парсте прянть лия чиицятнень вакссо. Монь койсэ эряви эрзянь од ломантнень седе келейстэ невтемс спортонь налксемаст ды шкинемаст, культуранть ды келенть истя жо. Невтемс, вадря вейсэнь спортонь теемс командат, мазыйть оршамопельть раськень тешкс марто, максомс эськоень раськень лем ды бажамс саеме васенце таркат ошонь лигатнесэ. »



Те меленть-кортамонть марто ве мельс пры Петрянь Андю, UG EZY-нь ветиесь:

«Эрзянь культуранть ды келенть сравтомантень эряви тевс саемс ды нолдамс весе методтнень. Пензань эрзя од ломантне максыть весень туртов вадря невтевкст. Сынь улить эрьва кодамо спортонь ды культурань тевтнесэ. Ламоксть анокстнесть Викикуляс публикациятгак.»

«Суточная эстафета 20И2020» впурнась-вейсендясь 63 улицят, 44-тнэ эйстэст цёра ломанть ды 13-це ава ломанть, 6-то пакшат. Весемикс чийницятне ютасть 78-це покш ды 10-нь вишка кирькст, ды плюс 240-це метрат. Спортсментнэ 24 часонть перть ютасть 334 вайгельпеть 160 метрат (2019-це иестэ весемекс 301 вп 350 м.). Куншка эстафетанть чиема темпэсь 4:19 мин. /вп, те 30-нь секундадо куроксто меленьсэнть коряс.

 

НевтевкстПравить

ЛисьмапрятПравить

Оригинальный репортаж
Эту статью написал Андрей Петров (Erzianj jurnalist) специально для Русских Викиновостей. Она содержит ранее не публиковавшиеся материалы или исследования, источником которых является сам автор. Вы можете свободно без согласования и выплаты вознаграждения копировать, распространять и изменять эту статью в любых целях, включая коммерческие, однако вы обязаны указать автора, источник и лицензию. Например, так: Андрей Петров; Викиновости; CC BY 2.5. Вы также должны обозначить изменения, если таковые были сделаны. Лицензии изображений уточняйте на их страницах на Викискладе.
 

Комментарии

Викиновости и Wikimedia Foundation не несут ответственности за любые материалы и точки зрения, находящиеся на странице и в разделе комментариев.