Карелиын ортчиз Финн-угор вики-семинар: различия между версиями

▲6-ти-9-ти куартолэзе Карелиын ортчиз финн-угор кылъёслы сизем III калыккуспо вики-семинар. Отчы пыриськизы Финляндиысь, Эстониысь но Россилэн портэм улосъёсысьтыз гожъясьёс, тодосчиос но финноугристикаен тунсыкъяськисьёс.

▲Финн-угор вики-семинар ортчытиське Викимедиялэн проектъёсыз (Википедия, Викиданные, Викигид но трос мукет) бордын ужасьёслэсь тодон-валанзэс будэтон, шуг-секытъёссэс валче сэрттон-пертчон понна.

▲4 нунал чоже люкаськемъёс лыдзизы но кылзизы пичи кылъёслы сизем Википедиос сярысь докладъёс, пыриськизы Википедиосыз азинтонлы сизем мастер-классъёсы, озьы ик вераськон мыниз Википедиез финн-угор культураез но кылъёсыз волмытон но паськытатон понна кутон пумысен. Вань кенешонъёс бере семинаре пыриськемъёс веразы огъя малпанзэс ужрад сярысь но шараязы чектонъёссэс вуоно семинаръёслы. Нялтас верано на, вуоноез вики-семинар ортчоз Ижкарын куарусён толэзе.

▲Вань докладъёсыз лыдзем но кылзэм бере, берпумети нуналаз, милемлы шуд усиз вуылыны вики-экскурсие Кижие. Быдэс дуннелы тодмо пулэсь лэсьтэм серкъёс зэмзэ но туж синмаськымонэсь вылиллям! Нош соос дорозь вути яке омырти гинэ вуыны луэ, шормучозь одиг но сюрес овол.

▲- Удмурт Википедия понна, вань мукет Википедиосын чошатыса, та семинар тужгес трос пайда вайиз, дыр, - шараяз малпанзэ Петрозаводскысь ужрадэ пыриськем Елена Рябина. - Тодмо луиз, Википедиез Яндекслэн переводчикеныз герзазы шуыса, табере капчигес луоз мукет кылъёсысь статьяосыз удмуртэ берыктыны. Со сяна, Википедие портэм файлъёсыз тырыку, соос сярысь одно ик англи кылын гожъяно уз луы, зучен но яра (азьвыл кулэ вал англиен).