Лахтиын ортчиз Дунневыл финн-угор конгресс: различия между версиями

15-тӥ-17-тӥ инвожое [[Финляндия|Финляндиысь]] [[Лахти]] карын Финн-угор калыкъёслэн VII дунневыл конгрессы ортчиз. Солэн валтӥсь темаез вал «Финн-угор калыкъёс  — азинсконъёс пала».

Дунневыл конгресс  — со огшоры бадӟым ужрад ӧвӧл, со площадка, кытын финн-угор но самоди калыкъёс быгато шараяны асьсэлэсь шуг-секытъёссэс но ӵошен соосты сэрттыны-пертчыны тыршо. Тросэз юанъёс герӟаськемын [[финн-угор кылъёс]]ыз но культураосыз утёнэн но улӟытонэн, выжы но пичи луись калыкъёслэн правоосынызы.

Лахтиысь конгрессэ вуылӥзы 174 делегатъёс, 370-лэсь уно наблюдательёс но 50 пала журналистъёс  — ваньзэ-ӧвӧлзэ 600 пала муртъёс: [[финнъёс]], [[венгеръёс]], [[эстонъёс]], [[саамъёс]], [[удмуртъёс]], [[поръёс]], [[Коми (калык)|комиос]] но [[Коми-пермякъёс|коми-пермякъёс]], [[карелъёс]], мордва калыкъёс ([[эрзяос]] но [[мокшаос]]), [[ненецъёс]], [[хантъёс]], [[мансиос]], [[ижораос]], [[нганасанъёс]] но трос мукетъёсыз. Озьы ик вал [[Норвегия|Норвегиысь]], [[Шотландия|Шотландиысь]], [[Великобритания|Великобританиысь]], [[Латвия|Латвиысь]], [[ЮНЕСКО]] но [[ООН]] огазеяськонъёсысь ӧтем куноос.

Конгрессэз усьтӥз тодмо саам рэпер [[Айлу Вайле, Айлу|Айлу Валле]], со бӧрсьы сцена вылэ потазы Лахтиысь Эктонъя училищеысь егитъёслэн группазы но Лахти консерваториысь камерной оркестр. Нош концерт бере вань люкаськемъёс азьын вераськизы Финляндилэн, [[Эстония|Эстонилэн]] но [[Венгрия|Венгрилэн]] Президентъёссы. [[Путин, Владимир ВладимировичПутин|Владимир Путинлэсь]] гожтэтсэ лыдӟиз [[Россия|Россиысь]] культурая министрлэн воштӥсез Александр Журавский.

Венгрилэн Президентэз [[Янош Адер, Янош|Янош Адер]] пусийз:

{{цитата|Финн-угор калыкъёс интыяськемзыя но, учконъёссыя но ог-огзылэсь кыдёке луымын. Озьы ке но синтаксиссы, кылпумъёссы, кылъёссылэн кылӥськемез утё на ӵыжы-выжы луэмзэс. Соос сыӵе узырлыкез возё, кудзэ асьмелы одно утьыны кулэ. Озьы ик утёно ӟеч кусыпъёсмес.}}

Конгресслэн кыкетӥ но куинетӥ нуналъёсаз делегатъёс но наблюдательёс ужазы 5 секциосын, соос сӥземын вал финн-угор кылъёслы но культураослы, ивор вӧлмытонлы, калык но кивалтэт кусыпъёслы, экономикалы но инкуазьлы, демография но миграция процессъёслы.

Конгрессэз радъясьёс сюлмаськиллям ваньмон дырез тунсыко ортчытон пумысен но. 15-тӥ инвожое Лахтиысь огаз клубын «[[Ääninen]]» финн коллектив, [[Карху, Сантту Карху|Сантту Карху]] карел рок-музыкант но Айлу Валле саам рэпер кырӟазы. Нош 16-тӥ июне карысь шор площадьын ортчиз финн-угор коллективъёслэн флэш-мобзы но концертсы. Со ӝытэ ик Конгрессэ пыриськисьёс но Лахтиын улӥсьёс учкизы на мукет концертэз  — Лахтиысь симфонической оркестрлэсь.

Конгрессысен Финн-угор калыкъёслэн консультативной комитетазы бадӟымесь воштӥськонъёс луизы  — солы бырйизы выль тӧро. 24 ар ӵоже ККФУН-эн кивалтӥз [[Марков, Валерий Петрович|Валерий Марков]], со сизьымаз ик дунневыл конгрессъёсы делегат чотын пыриськиз но трос лэсьтӥз финн-угор кылъёсыз но культураосыз утён но азинтон понна. Лахтиысен со аслэсьтыз интызэ сётӥз Карелиысь Татьяна Клееровалы но тау кариз ваньмызлы, кин соин ӵош ужаз, юрттӥз, визь-кенеш сётъяз:

В.  П.  Марков ӟечкылаз Т.  Н.  Клеероваез Финн-угор калыкъёслэн консультативной комитетсылэн торо луэменыз. Нош Т.  Н.  Клеерова тау кариз ККФУН-лэн ёзчиосызлы оскемзы понна но пусйиз, со финн-угор ӧрын ӧрлэн кылдэм дырысеныз ик шуыса но кужмысь тыршоз сое юнматыны но азинтыны.

* [https://vk.com/fucongress2016 Новости в ВКонтакте].