Соң булса да уң булды: Башкортча Википедия тантаналы рәвештә 15 еллыгын билгеләде
12 марта 2021 года
Бу мәкаләдә Викимедиа Фонды, аның белән бәйле проект яки шәхесләр телгә алына. Викихәбәрләр — Викимедиа Фондының бер проекты. |
2021 елның 20 февралендә Башкорт дәүләт опера һәм балет театрында Башкорт Википедиясенең иң актив мөхәррирләре һәм аларга даими мәгълүмати ярдәмне күрсәткән журналистар җыелды. Википедияның башкортча бүлегенең 15 еллыгына багышланган башкорт википедиячеләре форумын халыкара туган телләр көненә туры китереп, Башкорт телен саклау һәм үстерү фонды оештырды. Башкортча Википедиянең туган көне дип 2005 елның 16 апреле, IP 61.248.143.2 аноним автор тарафыннан беренче «Башҡортостан» мәкаләсе язылган көн санала. Дөньяда пандемия таралуы кулланучыларга бу вакыйганы былтыр апрельда билгеләү мөмкинлеген бирмәде, чара берничә тапкыр кичектерелде. Шулай да, соң булса да, уң булды.
-
Башкорт википедиячеләре
Чараның рәсми өлешен ачып, Башкортстан Республикасы Хөкүмәтенең Премьер-министры урынбасары Азат Бадранов: «Бу кешеләр альтруизм белән зур эш башкара. Аларга күп еллар тиешле игътибар бирелмәде. Минемчә, алар дәүләт һәм җәмәгать наградаларына лаек. Чыннан да, бу катнашучыларның өлеше бик зур. Алар бөртекләп җыеп интернетта башкорт контентын булдыра. Ә интернетка эләккән әйбер югалмый, анда мәңгегә кала. Алар бүген язган мәкаләләрне киләсе буыннар күп еллардан соң да укыячак. Ирекле катнашучылар дөнья челтәрендә башкорт теленең цифрлы нигезен булдыра. Без аларга бу эшләрендә, шул исәптән грант проектларын тормышка ашыруда ярдәм итәчәкбез».
Аннары Азат Шамил улы Башкортстан Башлыгының Мактау кәгазьләрен Нуретдинов Ансар Әнвәр улына һәм Юлдашева Луиза Әбүталип кызына, Башкортстан Республикасы Башлыгының Рәхмәтен Салихов Зөфәр Гәбделәхәт улына һәм Нигаматьянова Зәйтүнә Нариман кызына, Башкортстан Республикасы Хөкүмәтенең Мактау кәгазьләрен Акбутина Әлфия Носрат кызына, Абдрахманова Ләйсән Булат кызына һәм Атамбаев Раян Гафар улына тапшырды.
Бүләкләү тантанасын Башкортстан Республикасының Дәүләт Җыелышы-Корылтай Рәисе урынбасары, Бөтендөнья башкортлары корылтае (конгрессы) Президиумы рәисе Эльвира Аеткулова дәвам итә: «Башкортларда бәхетлеләрнең бәйрәмнәре гел бергә уза диләр. Иртәгә без халыкара туган телләр көнен билгелибез, шуның белән барыгызны да котлыйм. Туган телне интернет челтәрендә үстерү - башкорт вики-җәмгыяте алып барган мөһим юнәлешләрнең берсе, чөнки бүген яңа буын яңа белемне туры интернет челтәреннән ала. Әйе, нәкъ бу буынны вики-хәрәкәткә юлыктырырга кирәк һәм без бу юнәлештә эш башлыйбыз. Безгә вики-өлкәннәр генә түгел, вики-балалар да, вики-үсмерләр дә кирәк. Әйдәгез, бергәләшеп башкорт дөньясын популярлаштырыйк һәм ватандашларыбызның дөньяга карашын киңәйтик».
Эльвира Ринат кызы Бөтендөнья башкортлары корылтаеның (конгрессы) «Ал да чәч нур халкыңа» медале белән Ситдыйкова Гүзәл Рамазан кызын, Вәлиева-Яубасарова Миңлебанат Хәсән кызын, Йосыпова Миңлехәят Миңлесәет кызын, Сөләйманова Гөлшат Әхмәт кызын һәм Куандыкова Таңсылу Зәки кызын бүләкләде.
Башкортстан Республикасы Мәгариф һәм фән министрлыгының милли мәгариф идарәсе башлыгы Булат Зиннуров ведомство наградаларын хаклы ялда булуларына карамастан, үсмер буынны үзләре өлгесендә тәрбияләгән укытучы вики-волонтерларга тапшырды. Интернет челтәрендә, атап әйткәндә Википедияда, башкорт телен саклауга һәм үстерүгә бәясез зур өлеш керткәннәре өчен Әхмәтҗәнова Миләүшә Арысланбәк кызы - Мактаулы грамота, Котлыбаева Көнсылу Зәки кызы, Гыйзәтуллина Рәшидә Хәй кызы һәм Абдуллина Миңсылу Фәйзрахман кызы исә Рәхмәт хатлары белән бүләкләнде.
Башкортстан Республикасының Башкорт телен саклау һәм үстерү фонды үзенең оештырылу көненнән алып башкортча Википедиясе белән тыгыз бәйләнештә эшли, аның проектларын һәм чараларын тормышка ашырырга төрле яклап ярдәм итә. Фонд җитәкчесе Гөлназ Йосыпова БашВикиның иң яшь катнашучысы - Салихов Айдар Зөфәр улына оешманың Рәхмәт хатын тапшырды. Шулай ук Википедияның башкорт телен үстерүгә һәм пропагандалауга сизелерлек өлеш керткән башка тел бүлекләре һәм проектлары волонтелары: «Викимедиа РУ» коммерциягә карамаган патнерлыгы директоры Медейко Владимир Владимирович, Башкортча Википедиянең техник идарәчесе Каганер Павел Львович, Лезгинча Википедия идарәчесе Абарников Олег Игоревич, Русча Викияңалыклары идарәчесе Красоткин Александр Николаевич, Татарча Википедия идарәчесе Фәткуллин Фәрхәд Наил улы Рәхмәт хатлары белән бүләкләнде.
Шулай ук Википедия-2020 бүләкләре үзенең хуҗаларын тапты: Владимир Медейко 2019 елда 1334 мәкалә язган һәм Бөрҗән районында Викимедиа хәрәкәтен актив популярлаштырган Юлдашева Луиза Әбүталип кызына махсус номинациядә вики-бүләк һәм «Ирекле белем» премиясен Башкортстан Республикасында Викимедиа хәрәкәтенә озак еллар мәгълүмат җәһәтеннән ярдәм итеп торучы Шакиров Алик Фәез улына һәм «Башинформ» мәгълүмат агентлыгына тапшырды. Атналык, радио һәм телепрограммалар редакцияләре Владимир Владимирович кулынан «Викимедиа РУ» коммерциягә карамаган партнерлыкның Рәхмәт хатларын алды.
Форумның икенче өлешендә Башкортча Википедия идарәчесе Раян Атамбаев яңа - 2021 елның 21 февраленнән башланып 2021 елның 11 октябренә - Җөмһүрият көненә кадәр дәвам итәчәк «Башкортлар» конкурс-марафонының исем туен үткәрде. Аның җиңүчеләр исемлеге 2021 елның 14 декабрендә - Башкорт теле көнендә игълан ителәчәк. Конкурсның оештыручылары - Башкорт телен саклау һәм үстерү фонды белән «Башкортстан Википедиячеләр» рәсми булмаган җәмгыяте. Башкортча Википедиянең үсеш перспективаларына багышланган түгәрәк өстәлдә активистлар көнүзәк мәсьәләләр буенча фикер алышты, киләчәккә планнар билгеләнде.
Бүген башкорт телле бүлеге вики-волонтерлары Башкортстан Республикасының Ватандашлар ширкәтенә булышу фонды аша Башкортстан Республикасының дәүләт телләре һәм туган телләрне саклау һәм үстерүгә юнәлтелгән субсидияләр рәвешендә бирелгән Башкортстан башлыгы гранты чараларын үткәрү буенча зур эш башкарырга: биш тематик конкурс үткәрергә һәм яңа башлаучы википедистларның алты төркемен укытырга кирәк. Мәкаләләр язу буенча беренче «Тарихи Башкортстан топонимиясе» конкурсы һәм онлайн ВикиМәктәптә Википедия серләренә өйрәтүнең беренче курсы 2021 елның 1 мартында башлана.
-
Азат Бадранов Зөфәр Сәлиховка Башкортстан Республикасы башлыгының Рәхмәтен тапшырды
-
Википедиячеләрне БР Дәүләт Җыелышы-Королтай Рәисе урынбасары Эльвира Аетколова тәбрикли
-
Иң өлкән вики-әбикәй ― Миңлебанат Вәлиева-Яубасарова википедиячеләр исеменнән рәхмәт сүзләре җиткерә
-
Булат Зинуров Миләушә Әхмәтҗановага БР Мәгариф һәм фән министрлыгының Мактау грамотасын тапшыра
-
Фондның барлык Рәхмәтен Владимир Владимирович җыеп алды
-
Награда хуҗасын тапты - 2020 ел өчен Вики-премиянең махсус номинациясе лауреаты Луиза Юлдашева
-
«Ирекле белем 2020» премиясе лауреаты ― Алик Шакиров
-
Зөлфия Рәхмәтуллина аркасында БашВики телевидениеда еш кунак булды
-
«Мин үземә һәйкәл койдым...» ― ди Рөстәм Гатауллин
-
Ансар Нуретдинов икенче тапкыр бүләкләнә
-
Бөрҗән вики-клубы җитәкчесе Көнсылу Котлыбаева тәҗрибә уртаклаша
Чыганаклар
править- ИА «Башинформ» «В Уфе 15-летие Башкирской Википедии отметили форумом волонтеров». ИА «Башинформ», 20 февраля 2021 года года. (архив)
- «В Уфе прошел Форум башкирских википедистов». pravitelstvorb.ru, 20 февраля 2021 года года. (архив) (Архивная копия от 7 ноября 2021 на Wayback Machine)
- «Состоялся форум башкирских википедистов». , 20 февраля 2021 года года. (архив)
Комментарии
![Мнения](http://upload.wikimedia.org/wikipedia/commons/thumb/b/be/Wikinews_commentary.svg/18px-Wikinews_commentary.svg.png)
Если вы хотите сообщить о проблеме в статье (например, фактическая ошибка и т. д.), пожалуйста, используйте обычную страницу обсуждения.
Комментарии на этой странице могут не соответствовать политике нейтральной точки зрения, однако, пожалуйста, придерживайтесь темы и попытайтесь избежать брани, оскорбительных или подстрекательных комментариев. Попробуйте написать такие комментарии, которые заставят задуматься, будут проницательными или спорными. Цивилизованная дискуссия и вежливый спор делают страницу комментариев дружелюбным местом. Пожалуйста, подумайте об этом.
Несколько советов по оформлению реплик:
- Новые темы начинайте, пожалуйста, снизу.
- Используйте символ звёздочки «*» в начале строки для начала новой темы. Далее пишите свой текст.
- Для ответа в начале строки укажите на одну звёздочку больше, чем в предыдущей реплике.
- Пожалуйста, подписывайте все свои сообщения, используя четыре тильды (~~~~). При предварительном просмотре и сохранении они будут автоматически заменены на ваше имя и дату.
Обращаем ваше внимание, что комментарии не предназначены для размещения ссылок на внешние ресурсы не по теме статьи, которые могут быть удалены или скрыты любым участником. Тем не менее, на странице комментариев вы можете сообщить о статьях в СМИ, которые ссылаются на эту заметку, а также о её обсуждении на сторонних ресурсах.