Участник:Айталина Германовна/Алтайга оҕолорго аналлаах Вернадскай аҕыылара буолан аастылар
Олунньу 18-19 күннэригэр Хайалаах Алтай киин куоратыгар оскуола оҕолоругар аналлаах V-с региональнай Вернадскай В.И. ааҕыылара буолан аастылар.
Конференция арыллыытыгар кыттааччылары научнай уонна инновационнай үлэҕэ проректор Ю.В. Табакаев, Үөрэх министиэристибэтин уонна Алтай Өрөспүүбүлүкэтин наукаҕа специалиhа Е.В. Мердещева, Алтаистика уонна тюркология факультетын декана С.Б. Сарбашева уонна В.И.Вернадскай аатынан Россия үрдүнэн оскуола оҕолорун чинчийэр үлэлэрин Ааҕыы оргкомитетын председателэ А.В. Леонтович (Москва к.) эҕэрдэлээтилэр.
Эдэр чинчийээччилэр 13 сиэксийэнэн (хайысхаҕа) арахсан дакылааттарын билиhиннэрдилэр. Быhа холоон маннык хайысхалар бааллара: "Ботаника", "Зоология", "Киһи экологията", "Мэдиссиинэ уонна чөл буолуу", "География", "Химия", "Сир туһунан наукалар", "Тулалыыр эйгэ киртийиитэ", "Математика", "Лингвистика. Тыл аныгы аан дойдуга", "Экономика. Социология. Быраап", "Норуот култуурата. Фольклористика уонна этнография", "Искусство уонна литература" "Регионнааҕы краеведение", "Археология", "Итэҕэл бэҕэһэ уонна бүгүн". "История: киһи уонна сабыытыйа".
Эҕэрдэ сиэригэр-туомугар регионнааҕы туур кыайыылаахтарын ааттара ааттанна. Кыайыылаахтар бу сыл муус устар ыйыгар Москваҕа буолар Арассыыйа үрдүнээҕи Ааҕыыларга кыттыыны ыларга ыҥырыы суруктары туттулар.
