Федот Васильевич Сычковонь чачома чистэ 150 иеть
12 марта 2020 года
2020 иень эйзюрковонь 13 чистэ топодить 150 иеть Федота Васильевич Сычков (1870—1958) артыцянть чачома чистэ. Бути мельсэ кирдемс «сырнень поколь» валонть, те самай сонзэ ланга: сокиця-видиця бедной раськень цёракайне, вишка пингстэ кадовсь тетявтомо, нейсь ламо нужачи мокшонь Пензань губерниянь Коцялай велесэ (неень шкане Мордовия республикань Ковёл буесь).
Васеньцекс редизе сонзэ артомань маштоманть колмо-классонь земской школань тонавтыцясь – Пётр Евдокимович Дюмаев (1862—1915). Самай сон макссь цёрынентень васенце артомань урокт. Кода кайсь, Федот важодсь пазавань артомакудосо, рисовась чамарунгот фотокувга, вевелесэ эрицятнень, тонавтнесь сонсь артомо. Велень маласо эриця Иван Андреевич Арапов (1844—1913) (1844-1913) генералось невтизе «Арапово станциянь вачкамонь ушодоманзо» (руз. «Закладка станции Арапово», революциядо мейле – Ковылкино) Федотонь артовксонзо Евгений Александрович Сабанеевнень, конась ульнесь артыцянь тонавтоматаркань прявт. Тонась дивазевсь ды мерсь од цёранть кучомо Ине-Петрань ошов тонавтнеме. Истя И.А.Араповонь лездамга (конась ульнесь Наталья Николаевна Гончаровань содамокс) Федот прядызе артыцянь школанть Ине-Петрань ошсо ды лиядсь тоско тонавтнеме Художествань академиянь высшей художествань училищасо (руз.Высшем художественном училище при Академии художеств).
1903 иестэ урьваксты Лидия Васильевна Анкудинова лангс. Маряви, кодат ульнесть вейкетьксчить сынст ютксо: сюпав раськень, светской эрямосо эриця тейтерь ды од артыця? Ялатеке венчамось ульнесь уцяскав ды эрясть мельс-паросо 55 иеть. Революциядо мейле Лидия Васильевна тусь Федот мельга Коцялай велев ды куломадонзо мейле ванстсь артовксонзо, вейкеяк апак мие.
1900 иестэ Сычковнень макссть «художник» лемдема «Ойнасто кулят» (руз. «Вести с войны») артовксонть кисэ. 1905 иестэ Тундонь невтелмасо, конанть анокстыцясь ульнесь Художественной Академиясь, тензэ макссть Архип Иванович Куинджи лемсэ премия «Лияназонь матравтыцят» (руз. «Мяльщицы льна») артовксонть кисэ. Тестэ саезь прявт жанракс кармась чамарунгонь, пейзажной ды бытовой артома.
Аламодо рисовась революциянь тевтнень коряс, ялатеке мейле велявтсь вечкевикс темантень: велень эрицянь артоманень. Федот Васильевич кадсь миненек велень эрицянь чамарунгонь галерея. Неяви, пек вечксь артомо эйкакшт ды од ломанть. Сонзэ характерной артовксокс лововить «Соня-киштиця», «Пирявкс вакссо тейтерь» (руз. «Плясунья Соня», «Девушка у изгороди»). «Покшчи. Ялгат. Теле» (руз. «Праздничный день. Подруги. Зима») (1929) вечкить путнемс эрьва кодамо интернет курова ды сон свал нейневи артозь эрьва мезень лангсо. Велень ракиця тейтерть покшчистэ, велень эйкакшт школадо мейле, ансяк венчазь ведьс молиця одирьва – весемеде ули Сычковонь артовкс.
Лиянь-лиянь артозь ломаненть эрямозо содави: саемга, «Гринька» (1937) артовксонть цёракайнесь – те Григорий Ушанчиков, ойнасо ульнесь лётчикекс. "Учительница-мордовка" (1937) - те Софья Рябова, Анатолиень ды Владимир Рябовтнэнь ялакс, васенцесь ульнесь эрязнь литературань келенть путыцязо, омбоцесь – эрзянь кельс А.С.Пушкинэнь ютавтыця. Сынст ледемадост мейле – трясь сынст эйкакшост. Самай те артовксось ускозель Московов «Индустрия социализма» невтелмас, косо аштесь истямо содавикс артыцятнень ютксо, кода Михаил Авилов, Самуил Адливанкин, Александр Герасимов, Сергей Герасимов, Гавриил Горелов, Игорь Грабарь, Борис Иогансон, Николай Крымов, Александр Лактионов, Александр Любимов, Георгий Нисский, Аркадий Пластов, Михаил Платунов.
Федот Васильевич Сычковонь артовкстнэнь тематикась пры вейс А.А.Пластовонь артовкстнэнь марто, мезесь а дивавты: эрясть аволь пек васоло вейкест вейкест эйстэ.
Кулось Федот Васильевич Сычков 1958 иестэ Саран ошсо, косо эринзе меельце кавто иензэ.
|
Источники
править«Федот Васильевич Сычков». Саранск. Мордовское книжное издательство. 1986 год. стр. 5-17.
Ссылки
править- Сычков Ф. В.
- Ф. В. Сычков на сайте Мордовского республиканского музея изобразительных искусств имени С. Д. Эрьзи
- Сычков Ф. В.
Комментарии
Если вы хотите сообщить о проблеме в статье (например, фактическая ошибка и т. д.), пожалуйста, используйте обычную страницу обсуждения.
Комментарии на этой странице могут не соответствовать политике нейтральной точки зрения, однако, пожалуйста, придерживайтесь темы и попытайтесь избежать брани, оскорбительных или подстрекательных комментариев. Попробуйте написать такие комментарии, которые заставят задуматься, будут проницательными или спорными. Цивилизованная дискуссия и вежливый спор делают страницу комментариев дружелюбным местом. Пожалуйста, подумайте об этом.
Несколько советов по оформлению реплик:
- Новые темы начинайте, пожалуйста, снизу.
- Используйте символ звёздочки «*» в начале строки для начала новой темы. Далее пишите свой текст.
- Для ответа в начале строки укажите на одну звёздочку больше, чем в предыдущей реплике.
- Пожалуйста, подписывайте все свои сообщения, используя четыре тильды (~~~~). При предварительном просмотре и сохранении они будут автоматически заменены на ваше имя и дату.
Обращаем ваше внимание, что комментарии не предназначены для размещения ссылок на внешние ресурсы не по теме статьи, которые могут быть удалены или скрыты любым участником. Тем не менее, на странице комментариев вы можете сообщить о статьях в СМИ, которые ссылаются на эту заметку, а также о её обсуждении на сторонних ресурсах.
