Финн-йӧгра войтырлӧн VII ставмирса конгресс
16 июня 2016 года
2016 вося лӧддза-номъя тӧлысь 15-17 лунъясӧ финляндияса Лахти карын мунас Финн-йӧгра войтырлӧн 7 ставмирса конгресс. Шӧр темаыс - “Финн-йӧгра мир зумыд сӧвмӧмӧ”. Мероприятиеӧ пырӧдчасны 500 морт: финнъяс, эстъяс, венгръяс, саамъяс, квенъяс, сето, ливъяс, карелъяс да тверса карелъяс, вепсъяс, ингерманландечьяс, ижора, коми, коми-пермякъяс, яранъяс, хантъяс, водь, манси, нганасанечьяс, энечьяс, селькупъяс, удмуртъяс, мокша, эрзя да мариечьяс. А сідзжӧ Норвегияысь, Шотландияысь, Великобританияысь, Латвияысь корӧм йӧз, ЮНЕСКО да ООН, власьт петкӧдлысьяс, культураын да наукаын зільысьяс. Финн-йӧгра войтырлӧн VII ставмирса конгрессӧ пырӧдчасны Финляндияса Президент Саули Ниинистё, Эстонияса Президент Тоомас Хендрик Ильвес, Венгрияса Президент Янош Адер да Россия Федерацияса культура министрӧс вежысь Александр Журавский. “Финн-йӧгра войтыр зумыд сӧвмӧмӧ” медшӧр доклад лыддяс Финляндияса велӧдан да наука министр Санни Грахн-Лаасонен. Финн-йӧгра войтырлӧн консультативнӧй комитетӧн веськӧдлысь Валерий Марков вӧчас кывкӧртӧдъяс нёль вося уджысь. Конгресса участникъясӧс чолӧмалас Лахти карса мэр Юрки Мюллювирта.
Конгрессын видлаласны финн-йӧгра войтыръяслӧн кывъяс, культура видзӧмкӧд да сӧвмӧдӧмкӧд, вужвойтыр да ичӧт лыда войтыр инӧдъяскӧд йитчӧм юалӧмъяс. Конгресс дырйи уджалас вит тематическӧй чукӧртчылӧм: «Преемственность в освоении и использовании финно-угорских языков и культур» (Финн-йӧгра кывъясӧн да культураӧн вӧдитчӧмын йитӧдъяс), «Финно-угорское информационное пространство: перспективы развития» (Финн-йӧгра юӧртан ылдӧс: сӧвман туйяс); «Гражданское общество и власть» (Гражданскӧӥ йӧзкотыр да власьт), «Экономика и окружающая среда» (Экономика да гӧгӧртас); «Демографические и миграционные процессы. Старые и новые диаспоры» (Демографическӧй да миграционнӧй процессъяс. Важ да выль диаспораяс).
Сідзжӧ Конгрессӧ пырӧдчысьяс видлаласны войтырлысь тӧдчана мытшӧдъяссӧ восьса чукӧртчылӧмъясын. Лоӧ и бур культурнӧй уджтас. Конгресс восьтігӧн сьылас саами рэп-артист Айлу Валле, петкӧдчасны Лахти карса йӧктан училищеысь томуловлӧн котыр да Лахти карса консерваторияысь камернӧй оркестр. Лӧддза-номъя тӧлысь 15 лунӧ “Метро” клубын сьыласны «Ääninen» котыр, Карелияысь Сантту Карху Айлу Валле. Лӧддза-номъя тӧлысь 16 лунӧ карса шӧр изэрд вылын лоӧ флеш-моб да петкӧдчасны финн-йӧгра коллективъяс. Тайӧ лунӧ жӧ 19:30 часӧ Конгресса пырӧдчысьяслы да Лахтиса олысьяслы концерт петкӧдлас Лахтиса Симфоническӧӥ оркестр.
Лӧддза-номъя тӧлысь 17 лунсянь 18 лунӧдз Сибелиус Керкаын мунас “Лахтиса поэтическӧй марафон” фестиваль. Ставмирса 7 конгресс котыртӧны “Финляндия-Россия” котыр финн ӧтйӧза ӧтувъяскӧд ӧтвылысь. Войтырсикас тшупӧдын кывкутӧ Финн-йӧгра войтырлӧн консультативнӧй комитет. Конгресс сьӧмӧн могмӧдӧ Финляндияса культура да велӧдан министерство.
Историяысь: Воддза Финн-йӧгра конгрессъяс вӧліны: Финн-йӧгра войтырлӧн I ставмирса конгресс Сыктывкарын 1992 воын; Ставмирса II конгресс 1996 воын Будапештын, Венгрия; Ставмирса III конгресс 2000 воын Хельсинкиын, Финляндия; Ставмирса IV конгресс 2004 воын Таллинын, Эстония; V конгресс 2008 воын Ханты-Мансийскын; VI конгресс 2012 воын Шиофокын, Венгрия.
Ссылки
правитьИсточники
править- «VII Всемирный конгресс финно-угорских народов в городе Лахти». Консультативный комитет финно-угорских народов, 14 июня 2016 года. (архив)
Комментарии
Если вы хотите сообщить о проблеме в статье (например, фактическая ошибка и т. д.), пожалуйста, используйте обычную страницу обсуждения.
Комментарии на этой странице могут не соответствовать политике нейтральной точки зрения, однако, пожалуйста, придерживайтесь темы и попытайтесь избежать брани, оскорбительных или подстрекательных комментариев. Попробуйте написать такие комментарии, которые заставят задуматься, будут проницательными или спорными. Цивилизованная дискуссия и вежливый спор делают страницу комментариев дружелюбным местом. Пожалуйста, подумайте об этом.
Несколько советов по оформлению реплик:
- Новые темы начинайте, пожалуйста, снизу.
- Используйте символ звёздочки «*» в начале строки для начала новой темы. Далее пишите свой текст.
- Для ответа в начале строки укажите на одну звёздочку больше, чем в предыдущей реплике.
- Пожалуйста, подписывайте все свои сообщения, используя четыре тильды (~~~~). При предварительном просмотре и сохранении они будут автоматически заменены на ваше имя и дату.
Обращаем ваше внимание, что комментарии не предназначены для размещения ссылок на внешние ресурсы не по теме статьи, которые могут быть удалены или скрыты любым участником. Тем не менее, на странице комментариев вы можете сообщить о статьях в СМИ, которые ссылаются на эту заметку, а также о её обсуждении на сторонних ресурсах.
