Эрзянь артындеенть Алёшинэнь Паолонь панжовсь васенце невтема
22 мая 2017 года
category = Нолдазь category = Саранск notcategory = А нолдамс notcategory=Викиновости коротко count = 8 stablepages = only suppresserrors = true namespace = Main addfirstcategorydate = true ordermethod = created
</dynamicpagelist><dynamicpagelist>category = Нолдазь category = Эрзяне notcategory = А нолдамс notcategory = Викиновости коротко count = 8 stablepages = only suppresserrors = true namespace = Main addfirstcategorydate = true ordermethod = created </dynamicpagelist>
2017 иень панжиковонь 13 чистэ Саран ошсо панжовсь артовксонь невтема «Эрзянь этноромантизма». Сонзэ теицязо кармась Нижнёйстэ од эрзянь артындеесь Алёшинэнь Паол, ды те сонзэ васенце невтема. Пурнавсть «Маска» арт-кафэсэ, коната ашти И.М. Яушевэнь лемсэ Прявт седямо театрасо (Саран ош, Хмельницкоень Богданонь курось, 36 кудось). Састь те вадря чинть вастомонзо Паолонь малавиксэнзэ, ялганзо ды инжеть-эрзят конат содасызь сонзэ ёрокчинзэ.
Кортамонть ушодызе, тарканть максыцясь «Маска» арт-кафэнть прявтось, Танзиля Тултаева:
 | Те апокшке артындеень галереясо колмо иетнень перть ютасть ламо невтемат. Минек ули артындеень вейсэндямо, кода одтнэньгак. Не стенатне нейсть эрьва кодат неень шкань мазыйартнема, ансяк васенцеде минек «этноромантизмань» шкинемасо невтема, истя сонзэ тешкстызе сонсь теицясь. Сон лиякстоми весень эйстэ сесэ мезе минь нейтяно, - истя артыть касозь, лия шкань артыцят. Кецявты, минек од ломантне саить ойме путовкс фольклорсто, тиринь шкинемастонть, раськенть икелень эрямо пингестэнть. Истя лись, минь а умок ансяк каинек икельце невтеманть. Ды ней вана «Инешкипазось кучизе» Алёшинэнь Паолонь. Мон мельспаросо арсезеван мезень коряс – а содавиксэкс Саран ошсо артындеесь пурнась истямо паро ваныцят. |  |
Теде мейле вал сайсь сех шержеесь сыцятнень эйстэ, эрзянь Инязорось Кшуманцянь Пиргуж:
| Шумбратадо вечкевикс, мельвановикс эрзят! Течи нейтяно алкуксонь эрзянь оймень артовкст. Те чуросто эрсить вана истят эрзянь артовкст. Весе темась ванан теезь эрзянь оймесэ алкукс покш тев – невтемс эрзянь раськенть. Ванан «Инязоронь кочкамо» ули, те паро арсемась, чарькодемась. Кеман эрзятне кундыть товгак кочкамо инязор. Мон кецнян тетянзо кувалт, Атингеевасо сехте тумо мусь, кода Тюштя Торама гайть моросонть мусь, Секс лись истямо цёра, кона те гайтенть парсте маризе, истя теманть саизе. Кеман, сон седе тов келейгавтсы сонзэ творчестванть. Кеман сонзэ мельга кадовить, тетязо кадсь эсензэ мельга эйде, сонгак эсензэ мейле кады эйде, кона а путы точка, а запятой ды сонзэ мельга сыргить паро артыцят. Сюкпря теть, сыргавтомат паро тевсэ! | |
Кармасть кортамот ды мелень ёвтамот. Валонть саизе Учеватонь Сантяй, Саран ошонь кужонть, МОУ «№ 4 Лицеенть» эрзянь келень тонавтыцясь:
| Тень мелезем тусь сонзэ «Ине чувто» теевксэсь. Сюжетэсь саезь «Масторава» морокерькстэ. Зярдо шержей атятненень морга вакссо макссть содамоёвкс ине нармунень лемденть. Тейтересь, кона тукшнось тенсь ярсамо ды симемапельть ёвтызе нармуненть лементь. Шержей атятне кевкстизь мезе максомс теть превейчить кис? Тейтересь мерсь: мезеяк тень а эряви. Ёвтнеде кода теевсь Моданок.» Ды вана те чувтось, конань ало сынь аштесть озадо – те Модань чачомась. Истя неизе-арсизе артындеесь. Те пек мелезем тусь. | |
«Эрзянь вайгель» Московонь эрзянь вейсэндявксонть прявтось Евгений Ледяйкин кевсти:
| Ёвтнек «Масторава аварьгадсь...» артовксонть коряс. | |
Алёшинэнь Паол сэтьместэ максы вал:
| Те невтеви урбанизациянть, зярдо ломаньчись састыне ёми, удало касы ош. Ваксонзо ташто, тиринь кудозо. | |
Инжетнень ютксо ульнесть ламо одт: валморозейть, сёрмадыцят, куляньсёрмадейть. «Сятко» ковставксонть важодицясь Людмила Ломшина-Рябова истямо мель явсь невтемадонть:
| Сюкпря Паолнэнь мелень витиця артовкстнэнь кис! Сынь эждить ойме, кенярдовтыть сельме ды кармавтыть арсеме, мезесь пек питней. Неть артовкстнэсэ – минек раськенть кезэрень эрямопингезэ ды неень шкась. Лисни, эйсэст миньгак, ялгат. Садо ваномост! | |
Валморонь сёрмадыцясь, «Сятко» ковставксонть важодицясь Алина Подгорнова истяня тешкстась:
| Од артыцясь топавты тевензэ этноромантизмань лувсо. Сон сюлми эрзянь фольклоронь койтнень неень шканть марто, мезесь пек тусь минек мельс. Сонзэ Мастораванть пилесэ наушникть ды сон аварди чувтосто чапозь кудонзо вакссо, конань сасы-нили ошось. Те Масторавась — минек раськенть неень шкань чачозо. Мельс тусь лия артовксоськак: кавто од ломанть аштить толбандя вакссо. Цёраломанесь — неень шкань оршамосо, тейтересь — эрзянь палясо. Ды те а кери сельметь. Артыцянтень мельспаросо ёвтазель мель поладомс важодеманзо теке лувсонть, сон пек тусь весень мельс. Артовкстнэнь ваномсто теке чопавтоват эрзятнень мифологияс ды исторяс, ёроков ломанень сельмсэ варштат лангозост ды сынь прок вельмить, теевить эриекс. Покш сюкпря Паолнэнь те казненть кис!
Паро се: невтемась а прядови маласо читнестэ, весе кенерить сонзэ ваномо. Моледе, ялгат, а карматадо янксеме. Минек ошонь од артыцятнень ютксто секень вант кияк а яви истямо мель эрзянь раськентень. Ды секс Паолонь артовксонзо миненек седеяк питнейть. Выставкань панжомантень сакшнось содавикс этно-футуристэсь Ю. Дырин, садо тыньгак, бути Саранскойсэтядо! | |
-
«Инязор Пургаз» артовксось. Алёшинэнь Паолонь «Эрзянь этноромантизма» артовксонь невтемась. -
Од эрзянь артыдеенть Алёшинэнь Паолонь «Эрзянь этноромантизма» артовксонь невтеманть панжомась. -
Од эрзянь артындеенть Алёшинэнь Паолонь «Эрзянь этноромантизма» артовксонь невтеманть панжомась. -
Дыринэнь Юрий (этнофутурист) ды Учеваткин Сантяй (тонавтыця) Алёшинэнь Паолонь «Эрзянь этноромантизма» артовксонь невтеманть панжомасонть. -
Инжетне од эрзянь артындеенть Алёшинэнь Паолонь перькава. -
Од эрзянь артындеенть Алёшинэнь Паолонь «Эрзянь этноромантизма» артовксонь невтеманть панжомась. Саран ош, «Маска» арт-кафэсь И. М. Яушевэнь лемсэ Прявт седямо театрансонть. 2017 иень панжиковонь 13 чи. -
Од эрзянь артындеесь Алёшинэнь Паолонь ды тонавтыцясь Учеваткин Сантяй. -
Инжетне од эрзянь артындеенть Алёшинэнь Паолонь невтеманть панжомсто. -
Алёшинэнь Паол малавиксэнзэ марто: аванзо ды сазорказо. -
Од эрзянь артындеенть Алёшинэнь Паолонь «Эрзянь этноромантизма» артовксонь невтеманть панжомась. Саран ош, «Маска» арт-кафэсь И. М. Яушевэнь лемсэ Прявт седямо театрансонть.
Невтевкст править
«Эрзянь этноромантизма» артовксонть панжомсто, корты Инязор Пиргуж (эрзякс).(эрз.)- Открытие выставки Павла Алёшина.(рус.)
.svg){kind=small}
Источники править
- Петрянь Андю «Эрзянь артындеенть Алёшинэнь Паолонь панжовсь васенце невтема». «Erzäks.ru», 19 мая 2017 года. (архив)
Комментарии
Если вы хотите сообщить о проблеме в статье (например, фактическая ошибка и т. д.), пожалуйста, используйте обычную страницу обсуждения.
Комментарии на этой странице могут не соответствовать политике нейтральной точки зрения, однако, пожалуйста, придерживайтесь темы и попытайтесь избежать брани, оскорбительных или подстрекательных комментариев. Попробуйте написать такие комментарии, которые заставят задуматься, будут проницательными или спорными. Цивилизованная дискуссия и вежливый спор делают страницу комментариев дружелюбным местом. Пожалуйста, подумайте об этом.
Несколько советов по оформлению реплик:
- Новые темы начинайте, пожалуйста, снизу.
- Используйте символ звёздочки «*» в начале строки для начала новой темы. Далее пишите свой текст.
- Для ответа в начале строки укажите на одну звёздочку больше, чем в предыдущей реплике.
- Пожалуйста, подписывайте все свои сообщения, используя четыре тильды (~~~~). При предварительном просмотре и сохранении они будут автоматически заменены на ваше имя и дату.
Обращаем ваше внимание, что комментарии не предназначены для размещения ссылок на внешние ресурсы не по теме статьи, которые могут быть удалены или скрыты любым участником. Тем не менее, на странице комментариев вы можете сообщить о статьях в СМИ, которые ссылаются на эту заметку, а также о её обсуждении на сторонних ресурсах.
