Эрзянь валморозейне Виталий Картышкиннэ максозь госстипендия

Лия кельтнесэ: русский • эрзянь

26 ноября 2018 года

Виталий Картышкин — неень шкань эрзянь сёрмадей. Тонавтыця.

Виталий Картышкиннэнь кода ёроков од сёрмадыцянтень максозь Россиянь Культурань министерстванть пельде госстипендия. Сон явозь тензэ Россиянь Литераторонь вейсэндявксонть лезксэнзэ вельде, васенце книганзо нолдамга. Аштетяно покш мельспаросо Виталянь кувалма ды учотано пельдензэ од сёрмадовкст ды од изнявкст!

Виталий Картышкин:

«Стипендиянть максоманть кувалт аштян мельспаросо. Васняяк ули мелем ёвтамс сюкпря «Сятко» журналсо важодицятнень туртов: Подгорнова Алинанень ды Рябова Людмиланень. Сынь лездасть тень пурнамс эрявикст конёвт. Пек вадря — Россиянь Литераторонь вейсэндявксось явсь мель эрзянь литературанть туртов. Максозь стипендиянть лангс арсян нолдамс книга, козонь совить сёрмадовксом: ёвтнеман ды мизолксом.»

Алина Подгорнова:

«Мон пек кенярдан, мекс Виталийнень макссть книгань нолдамс госстипендия. Башка книгас сёрмадовксонзо умок пурнавсть. Арсян, курок тень лети саемс кедьс вечкевикс ёвтнема марто пусмонть. Кадык те паро кулясь карми аволь меельцекс, ды шкинемасо Виталиень саевксэнзэ ансяк ламолгадыть!»

Лисмапрят править

Комментарии

Викиновости и Wikimedia Foundation не несут ответственности за любые материалы и точки зрения, находящиеся на странице и в разделе комментариев.