2022 Финнэнь-угрань культурань прявтошонь кочксемась

Geographylogo.png На других языках: русский • English • эрзянь

2021 иень эйзюрковонь 22 чись

<dynamicpagelist>

category = Нолдазь category = Финно-угорские народы notcategory = А нолдамс notcategory=Викиновости коротко count = 8 stablepages = only suppresserrors = true namespace = Main addfirstcategorydate = true ordermethod = created

</dynamicpagelist><dynamicpagelist>

category = Нолдазь category = Культура notcategory = А нолдамс notcategory = Викиновости коротко count = 8 stablepages = only suppresserrors = true namespace = Main addfirstcategorydate = true ordermethod = created </dynamicpagelist>

2021 иень эйзюрковонь 2 чистэ яволявтозь финнэнь-угрань культурань прявтошонь кочксемат сыця 2022 иенень. Те кочксемань коесь ушодовсь 2013 иестэ, ладицякс ульнесь Финнэнь-угрань од ломанень вейсэндявксось (рузкс Молодёжная Ассоциация Финно-Угорских Народов (МАФУН) ды Юронь раськетнень кепетемань куншкась — URALIC. Пелькстамонь изницясь карми ёвтазь Эстэнь Масторонь Тарту ошсо 2021 иень аштемковонь 18 чистэ VIII Весе масторонь финнэнь-угрань раськетнень конгрессэнь (рузкс Всемирный конгресс финно-угорских народов) ютавтома читнестэ.



Культурань прявтошокс кенерсть улеме: Быги велесь (2014), Эстэнь Масторонь Обиница велесь (2015), косо эрить сету месть, Мадьяронь Масторонь Искасентдьёрдь велесь ды Веспрем ошось (2016), Карелэнь Республикань Вокнаволок велесь (2017), Шоруньжа велесь (2019) Марий Эл ды Мишкино велесь (2020) Башкортостансо, косо эрить мари месть. Те иень перть культурань прявтошокс ашти эстэнь масторонь Абья-Палуоя ошось. 2018 иестэ пелькстамось эзь ютавтово, иесь кармась анокстамо иекс.

Пелькстамонтень тердевить финнэнь-угрань эрьва кодамо эрямотаркат эрьва кодамо масторсто: велеть ды ошт, масторонь официальной прявтоштнэнь башка. Истяжо а максы яволявтома се масторось, конасонть тедеде ашти культурань прявтошось.

Теевемс содавиксэкс пелькстамонь койтнень марто ды максомс яволявтома ютадо URALIC лопантень. Яволявтомась учови 2021 иень чадыковонь 30 чинть видс.

Те иень пелькстамонь прявтарсемакс ашти тедеде ушодозь весе масторонь юр раськетнень кельтнень ванстомань кеменьиесь 2022—2032, секскак кармить явомо мель не яволявтоматнень, конатне нолдыть тевс келень касома тевть — ревитализация — нама кортамось моли финнэнь-угрань кельтнеде.

Те иень прявтошось яволявтомасонзо явсь мель эсь оршамопелень архаикантень: орнаментт ды викшнемат. Омбоце пелькстыцякс ульнесь эрзянь велесь — Мордовиянь Вирь Тавла. Васенцеде жюрись важодсь онлайн яволявтома марто, секс мекс кочксемась ютась кезовксонть шкане.

2021 иень культурань прявтошокс снартнесь улемс Вирь Тавла эрзянь велесь.

Те велесь пек содавикс республикань келес чувтосто керсемань тонавтнема тарканть кувалт. Чувтонь налчкетнесэ ули эрзянь кой ды кувалмаст содави эрзянь фольклорось. Прявтокс ашти — Пётр Рябов (эрзякс Калаганонь Керяз). Школась ладязель-теезель 1970 иетнестэ, зярдо Ицялонь тонавтомань училищань прядыцясь — Николай Иванович Мастин — велень школасо панжсь чувтова керсемань кужо. Те кужось шкань ютазь теевсть экспериментальной художествань эйкакшонь тонавтома таркакс. Эряви ёвтамс — эрзянь чувтова керсема коесь вадрясто невтеви Эрьзянь (Степан Дмитриевич Нефёдовонь) шкинемасо. Эрьва иестэ Вирь Тавласо ютавтови регионъютконь чувтова керсицянь «Кой» февтивалесь.


 

ЛисьмапрятПравить

 

Комментарии

Викиновости и Wikimedia Foundation не несут ответственности за любые материалы и точки зрения, находящиеся на странице и в разделе комментариев.