Oyme морамокуронть кочкизь содавикc IMA премиянь номинантокс

Geographylogo.png Лия кельтнесэ: русский • эрзянь

2020 иень кадыков 23 чи года

«Yehy Vaya» Серж Булатонь морось (англ. Serge Bulat), вейсэнь проектсо содавикс Oyme (Ойме) — эрзянь ды мокшонь кельсэ морамокужонь марто кармасть Американь содавикс IMA премиянь номинантокс Independent Music Awards — «Башка аштиця музыкальной премиясь» (руз. Независимая Музыкальная Премия). Номинациясь — киштемань электроникась (англ. Dance/Electronica).

«Yehy Vaya» трекесь кармась васенце вейсэнь тевекс, сон совась С. Булатонь «Wurmenai» альбомс, конась нолдазель 2020 иень эйзюрковсто.

Oyme (Ойме) морамокужонь башка альбомс совить лия раськень музыкантт, истят кода Павел Вит, Мириам Гарсия, Кассандра Да Кунья, Rumbo Tumba, Нино Эррера. Дивакс маряви, ансяк альбомонтень истя жо совавтозь «Wurroom» видеоналксема. Те инновациянь коряс теезь налксемась максы нолдамс музыканть тевс од интерактивень лувсо.

Трекесь кунсолови SoundCloud, Яндекс.Музыка, YouTube ды лия покш цифрань платформа лангсо.

Премиясь ютавтови эрьва иестэ, тедеде юты 18 кирда 2001 иестэ саезь. Коень коряс премиянь максомась юты Нью-Йорксо, ансяк тедеде COVID-19 ормань кувалт ютавтомась карми он-лайн форматсо. Artistry. Diversity. Excellence (Артистизма, Эрьвакодамочи. Парсте теема. (рус. Артистизм. Разнообразие. Превосходность) — премиянь валпачтямось (англ. Artistry. Diversity. Excellence).

Премиясь алтави олячинь, башка аштиця седицянь туртов весе масторксонть лангсто. . IMA премиясь содави эрьва кодамо омбомасторонь креативень музыканень эсь мелензэ явовомань коряс. Номинантнэ кочксевить эсь седямонь коряс: моронь, трекень, альбомонь ды видеонь кувалт.

2020 иень номинантокс совасть (ульнесть ломанть 73 масторсто 6 континентстэ, малава 400 пелькстыцят): Люсинда Уильямс (англ. Lucinda Williams), Стивен Ван Зандт (англ. Steven Van Zandt), Джесси Малин (англ. Jesse Malin), Йонатха Брук (англ. Jonatha Brooke), HeilungСофья Рей & JC Maillard (англ. Sofía Rei & JC Maillard), Сойер Фредерикс (англ. Sawyer Fredericks), Джейк Ла Ботц (англ. Jake La Botz), Вутер Келлерман (англ. Wouter Kellerman), Гай Шейман (англ. Guy Scheiman), The Dollyrots and Storry ды лият.

Тедеде пелькстамонь жюрисэ: Том Уэйтс ды Кэтлин Бреннан, Роберт Смит, Зигги Марли, Джо Сатриани, Drowning Pool, KT Tunstall, Walk the Moon, Джон Петруччи, Роберта Флэк, Валентино Артеага и Аарон Поли (Of Mice & Men), Кулио, Ди Снайдер, Джоуи Сантьяго, Крис Франц, Скотт Брэдли, Бет Гиббонс, Рэнди Бахман, Джеки Веласкес, Карл Палмер, Джон Тэш, Айзек Брок, Bowling for Soup, Фрэнсис Хили, Ксавье Радд, The Cardigans, Джошуа Белл, JD Samson, Глория Гейнор, Boyce Avenue, Сиси Пенистон, Билли Гразиадей, Мик Ральфс, Ли Перри, Хезер Нова, Роман Мирошниченко ды шоу-бизнессэ аштицят.

Лия иентнестэ изницякс ульнесть: Киллер Майк, …And You Will Know Us by the Trail of Dead, Flying Lotus, Мэйси Грэй, Five Finger Death Punch, Esprit D'Air, Рив Карни, Árstíðir, Коби Арад, Beyond Creation, Джулиана Хэтфилд.

Серж Булат чачсь Молдавиясо, 2009 иестэ тусь эрямо Америкав, косо поладызе музыкань карьеранть. Серж яви мель электрононь ды авангардонь музыкантень, сон содавикс эсензэ «Queuelbum» альмбомонзо кувалт, конась IMAнь мелензэ коряс ловозель «Сехте вадря Электрононь музыкань Альбомокс 2016», теде башка содави эсь «Third World Walker» проектонзо коряс. Серж истяжо яви мель визуалонь инсталляциятнес, истят проектонзо топавтозельть Великобританиясо, Аргентинасо, Италиясо, Саудовской Аравиясо ды w:СШАсо.

Oyme (Ойме) — те фольклоронь морамокужось, конанть шкинемазо ашти финнэнь-угрань морамокультурань юросо, кужось морси эрзянь, мокшонь, венгрань морот. Кужось содави эсь музыкань проектт коряс содавикс Deep Forest группанть марто, свал яксекшны музыкань фестивальга.

Пелькстамонтень ульнесь нолдазь «Yehy Vaya» трекесь, конанть юрсо ашти кезэрень эрзянь венчамонь моро. Теде икеле те моронть кувалт OYME (Ойме) снимазель клип, конась КлипFEST 2017 фестивальсэ изнясь истямо номинациясо, кода Сехте вадря художествань коряс терявтома («Лучшее художественное решение»), (изниця), Сехте вадря тейтерьавань налксема (изниця), Сехте вадря налксемань коряс кинось (лауреат).

Кужонть прявтморыцясь — Ежевика Спиркина. Сон аволь ансяк музыкант, сон теде башка этномузыколог, эрзятнень ды мокшотнень ёнов экспедициянь теицясь ды ютавтыцясь. Пурназь материалонть коряс ульнесь нолдазь «Штатол» (рус. «Свеча») альбомось. Весе моротне аштить кода эряви классификациянь коряс.

 

СсылкиПравить

ИсточникиПравить

Оригинальный репортаж

Эта статья опубликована в Викиновостях и содержит эксклюзивный репортаж и исследования, написанные одним из участников нашего проекта специально для Викиновостей.

Если автор репортажа не указал свои источники, источником информации является он сам. Вы можете узнать, кто создал эту статью, из истории статьи: тот, кто её внёс эту правку, и является автором статьи. Если у вас есть замечания или предложения, первым делом напишите о них на странице обсуждения. Если у автора имелись в распоряжении не все факты, дополните статью известной вам информацией. Если с течением времени ситуация изменилась, напишите о новых фактах в новой статье. Если у вас есть вопросы к участникам русских Викиновостей, напишите на форум.
 

Комментарии

Викиновости и Wikimedia Foundation не несут ответственности за любые материалы и точки зрения, находящиеся на странице и в разделе комментариев.