Открыть главное меню

«Сыця шкань стереотиптнэ» Ине-Петрань ошсо

Geographylogo.png Лия кельтнесэ: русский • эрзянь

19 ноября 2019

2019 иень сундерьковонь 4 чистэ Стрит-арт музейсэ, Ине-Петрань ошсо ютась «Сыця шкань стереотипне» / STEREOFUTURE.RU фестивалесь. Проектэсь тееви Федеральной од ломанень тевень коряс агентствань грант-ярмак лангс. Ютамось стякодо.


Те ульнесь финалс лисицянь концерт. Морыцятнень вейсэнди мель: ванстомс аутентикань раськень культуранть. Эрьвась моли эсь киява теньсэ: эрьванть эсензэ коезэ морамосо ды сень кувалт сон лецтяви ваныцятненень. Финнэнь-угрань раськетне ульнесть келейстэ невтезь зярыя морамо куросо.

UG EZY кужонь улицясь сакшнось ваномо ды лембе валонь Ежевиканень ёвтамо.

Ваныцятне марясть киштеме кармавтыця эрзянь, венгрань ды аваронь морот, конатнень морась «Ойме» вейсэндявксэнь солистэсь — Ежевика Спиркина. Ежевика аламодо ёвтнесь эсь прядо (мезе эзть тейть лиятне). Сон — этномузыколог, истя жо ёвтнесь эрзядо, Мордовияв ды Дагестанов моронь пурнамо якамодо, невтизе тораму ды кодамо сонзэ вайгелезэ.

Морамсто ломантне стякшность ды тейсть кишнемань круг. Ежевика тонавтынзе ваныцятнень, кода эрзят пазнэнь озныть: верев кедень кепедезь. Весе мельс паросо кепедизь кедест.
Фестивалентень самось Ежевиканень стакаль: вейке покш омбомасторонь музыкань фестивальстэ — омбоцес. Теде икеле «Ойме» морамо-седямо кужо ульнесь покш WOMEX фестивальсэ ды самай тосто сась «Сыця шкань стереотипс».


Oyme-де башка финалс лиссть морыця кужот: Где-то там, Naidga, Ingervala, Shagan, Hagauj, Body music river, Карелия. Морсесть ингерманландонь морот; кавказонь морот, конат морыть рунгосто пулянь таргамосто.


Shagan седицясь тейсь импровизация, конась ваявтсь ломантнесэ мистикань ёжос: марявсь шаштомат, тарадонь синтрема, идемракшат.


Фестивалесь прядовсь «КИБЕРПУШКИН» digital-операсо. Те оперась А. С. Пушкинэнь «Салтан инязор ланга ёвксонь» неень шкань неемазо-марямозо. Морыцясь — Ева Черо. Неень шкань Digital-оперась — те электронной музыкась, пластикань перформансось, аламошка визуальной невтемась. Сиянь морыцянть руцясь пек мазыель.


Финалдо икеле ютась паблик-ток (сазь ломань марто кортамось) — «Кода совавтомс кезэрень койтнень неень шкань художественной контекстс». Мейле ульнесь невтезь «Вайт Вайт Стори» перформансэсь. Вана кода сёрмадозь фестивалень программасо: "арседе истямо аппарат, конась невти кода налчке. Саемга, нармунь кондямо. Те — прявий «Ёвтниця», искусственной прявт марто технология, тонадыця интерфейс марто (сонсь арси, сонсь ёвтни ёвкст эйкакштненень). «Ёвтницянь» прясо ламо алгаритмат, ёвкст. Эрьва чистэ сон арсекшны од ёвкс. Технологиясь теезь истя, што сон кирди прясо эйкакшонть иензэ, мезе эйкакшось вечки, ули-арась тетязо-авазо — весе персонализациянть — ды кочкси-арси тензэ ёвтнема. Технологиянтень содави, кодамо эйкакшонть течи ёжозо-мелезэ: весёла, нусманя. Тозонь «совавтови» эйкакшонь аванть вайгелезэ. Тетятне-аватне полавтыть ладсематнень кода ули мелест: путыть ёвкст ракша ланга эли седе ламо ломань ланга. Те аппаратось теезь «Рузонь ёвкс» фестиваль-кочевникень ютавтомасо.

Стрит-артонь музеень галереясо невтезельть керамикасто важодемат, каллиграфия, артовкст. Теицятне Ярослав Пикулев, Константин Золотарёв, Марина Галкина, Иван Беляев, Михаил Бронский.

ИсточникиПравить

Оригинальный репортаж

Эта статья опубликована в Викиновостях и содержит эксклюзивный репортаж и исследования, написанные одним из участников нашего проекта специально для Викиновостей.

Если автор репортажа не указал свои источники, источником информации является он сам. Вы можете узнать, кто создал эту статью, из истории статьи: найдите в ней самую первую правку; тот, кто её внёс, и является автором статьи. Если у вас есть замечания или предложения, первым делом напишите о них на странице обсуждения. Если у автора имелись в распоряжении не все факты, дополните статью известной вам информацией. Если с течением времени ситуация изменилась, напишите о новых фактах в новой статье. Если у вас есть вопросы к участникам русских Викиновостей, напишите на форум.
 

Комментарии

Викиновости и Wikimedia Foundation не несут ответственности за любые материалы и точки зрения, находящиеся на странице и в разделе комментариев.
 


 


 
 

СсылкиПравить

 

Комментарии

Викиновости и Wikimedia Foundation не несут ответственности за любые материалы и точки зрения, находящиеся на странице и в разделе комментариев.