Бикипиэдьийэ кыттааччытын ыстатыйаны соппутун иһин суутунан куттууллар

Geographylogo.png Атын тылынан: русский • татарча/tatarça • саха тыла • English

11 января 2020

Владимир Волохонскай
Бу ыстатыйаҕа Бикимиэдьийэ пуондата дуу, кини бырайыактарыттан биирдэстэрэ, биитэр киниэхэ сыһыаннаах дьон ахтылаллар. Биики-сонунБикимиэдьийэ пуондатын бырайыактарыттан биирдэстэрэ.

Нуучча Бикипиэдьийэтин кыттааччыта Владимир Волохонскай албакаат Вадим Казеев аатыттан Фейсбук нөҥүө сурук туппутун туһунан кэпсээтэ. Казеев суругар биллэрбитинэн, кини Алексей Ситников диэн киһи интэриэһин көмүскүүр эбит, оттон Волохонскай ол киһи туһунан ыстатыйаны бу сайын соторго уурбут эбит. Албакаат Волохонскайы «Ситников А. П. туһунан сөбө суох сибидиэнньэни тарҕатан, кини чиэһин, дьоһунун уонна дьыалабыай репутациятын түһэриигэ» буруйдаабыт, суутунан куттаабыт.

Нуучча Бикипиэдьийэтин фуорумугар бу быһылаан туһунан тахсыбытын кэннэ онуоха улахан болҕомто тардыллыбыт (социологияҕа бу Стрейзанд эффегэ диэн ааттанар). Ол түмүгэр, сайыҥҥаттан түмүктэммэккэ сылдьыбыт мөккүөр биир хонук иһигэр түмүктэммит — албакаат килийиэнин туһунан ыстатыйаны Бикипиэдьийэттэн суолта киритиэрийгэр сөп түбэспэтинэн сотон кэбиспиттэр.

Суругу ыыппыт киһи туһунан ахтар буоллахха, Москуба адвокаат балаататын ситим-сиригэр итинник ааттаах албакаат чахчы баар эбит. Ону таһынан ол албакаат «Трунов, Айвар уонна партнердар» кэллиэгийэлэрин чилиэнинэн биллэр.

Манна диэн эттэххэ, Казеев албакаат бэйэтин суругар Бикипиэдьийэ үлэлиир тосхоллорун уонна быраабылаларын билбэтин көрдөрдө. Эрэдээктэрдэри эспиэрдэр диир, бу өйдөбүлгэ ханнык суолтаны биэрэрэ суруктан өйдөммөт. Оттон Бикипиэдьийэҕэ ыстатыйа суруйууну тоҕо эрэ идэҕэ тэҥнээбит. Маны таһынан, Вадим Казеев дьыала ис хоһоонун сиһилии да үөрэтэри туһалааҕынан аахпатах. Оннук, килийиэнин туһунан ыстатыйаны 2011 сыллаахха Владимир Волохонскай соппутун курдук суруйбут, дьиҥэр ол саҕана Волохонскай туһааннаах ырытыыга кыттыбатах даҕаны. Оттон хойукку ырытыыга кыттан — Бикипиэдьийэ быраабылатын толору тутуһан туран — ыстатыйа итэҕэтиилээх төрүттэрэ (Бикипиэдьийэ тиэрмининэн — «аптарытыаттаах төрүттэр») суоҕун, холобур Ситиников дуоктар истиэпэннээҕэ тугунан да бигэргэтиллибэтин ыйбыт. Ону таһынан, Волохонскай этиитэ сабаҕалааһын быһыытынан суруллубут, атыннык эттэххэ кини тус бэйэтин сыанабылынан буолбут, ол «судя по всему» диэн тыллары туттубутуттан көстөр.

Биики Сонун кэрэспэдьиэнэ, Викимедиа РУ чилиэнэ Дмитрий Ерохин Владимир Волохонскайдыын кэпсэттэ уонна сурук куопуйатын, онно кыбытыллыбыт докумуоннары итиэннэ Волохонскай бэйэтин быһаарыытын ылла:

«В принципе, ознакомление с этой кучей документов убедило меня, что он (Ситников – примечание Викиновостей) реально 10-25 лет назад был звездой политического консалтинга, да и общие знакомые у нас с героем есть, которые подтверждают, что он вполне себе известен в этом мире. Но реально - четверть века хранить справку о том, что ты профессорствуешь в МГУ... Чёрт, я был старшим преподавателем, но об этом может за минуту узнать любой, кого не забанили в гугле, мне не нужна для этого справка...


Я не очень хорошо разбираюсь в нюансах российской адвокатуры, но мне кажется, что адвокат Казеев злоупотребляет своим адвокатским статусом, формируя у своего клиента ложные ожидания относительно данной ситуации. Или же, использует свой адвокатский статус для оказания давления на меня путём предъявления заведомо нереализуемого адвокатского ордера. Не знаю, что хуже.
»

Бикипиэдьийэ — аһаҕас бырайыак, онно баҕа өттүлэринэн үлэлиир дьон аһаҕас энциклопедияны бииргэ түмсэн суруйаары, бэйэлэрэ быраабыла олохтууллар. Ол быраабылалартан биирдэстэрэ суутунан куттууру быһаччы бобор. Вадим Казеев бу быраабыланы утаран, арааһа, ситиһиэн баҕарбытыттан төттөрүтүн ситистэ.

 

Эбии көрПравить

ТөрүттэрэПравить


Биики-сонуҥҥа анаммыт эрэпэртээс


Бу эрэпэртээс Биики-сонуҥҥа эрэ анаан оҥоһуллубут.

Сонун хантан ылыллыбыта суруллубатах буоллаҕына, ол аата ааптар бэйэтэ билбитин-көрбүтүн суруйбут. Ким суруйбутун билиэххин баҕарар буоллаххына ыстатыйа устуоруйатын көрүөххүн сөп: онно суруллубут бастакы киһи - сонун ааптара. Өскөтө сороҕун суруйбатах буоллаҕына эбэн биэр. Кэм ааспытын кэннэ туох эрэ уларыйбыт буоллаҕына саҥа чахчылары саҥа ыстатыйаҕа суруй. Ыйытыылаах буоллаххына кэпсэтэр сиргэ суруй.
 

Комментарии

Викиновости и Wikimedia Foundation не несут ответственности за любые материалы и точки зрения, находящиеся на странице и в разделе комментариев.