Ине-Петра ошонь вики-якицятне ильтизь меельце советэнь шкань теплоэлектричканть ды тусть чеядавкс потс
22 сундерьковонь 2020
category = Нолдазь category = Вики-краеведы Северо-Запада России (эрз.) notcategory = А нолдамс notcategory=Викиновости коротко count = 8 stablepages = only suppresserrors = true namespace = Main addfirstcategorydate = true ordermethod = created
</dynamicpagelist><dynamicpagelist>category = Нолдазь category = Санкт-Петербург notcategory = А нолдамс notcategory = Викиновости коротко count = 8 stablepages = only suppresserrors = true namespace = Main addfirstcategorydate = true ordermethod = created </dynamicpagelist>
.jpg)
| В этой статье упоминается Фонд Викимедиа, какой-либо из его проектов или люди, имеющие к ним отношение. Викиновости — один из проектов Фонда Викимедиа. |
2020 иень ожоковонь 24 чистэ, шлямочистэ, Викимедиа лезэпаргонь «Вики-краеведы Северо-Запада России» кужосо улицятне (тозонь совить зярыя UG EZY кужосо аштицятне) сыргасть вики-экспедицияс Ине-Петрань ошонь Курортной буес. Те ардомась алтазель историянь коряс мель вешиця теевемантень ды тувака ютамс зярыя се таркань тешксванноматненень. Те кужонтень совицятне явить мель кепедеманень ды седе тов кастомантень аволь ансяк эсь содамочинть — вики-айгемантьдяк, не экспедициятне мейле Викмедиа лезэпаргонь проектнэ получить ламо од информация. Кода кортасть Викикулятне истямо икельце артнематнень кувалт, тедеде экспедицияв артнемась стакалгадсь коронавирусонь кезовксонть кувалт. Ансяк кой-конат тевтне ялатеке ютавтовить тевс нолдазь эсь прянь идемань мельсэ кирдезь. Ардомась ульнесь машинасо.
Историянь тешкставкс тевесь, конанть кисэ пурнавсть ардомо — те меельце истя лемдезь «теплоэлектричканть» ЭР2К-930 ардомазо, ардоманькись Ине-Петра ошось —Советской лотксема таркась, те аволь электрофицированной (Зеленогорск—Приморск—Выборг линиясь) чугункань кинь пельксэсь. Те вейкекинь линиясь вейсэнди РЖДнь прявт таркатнесэ Приморск Высоцк портонь лотксема таркатнень марто, конат аштить Балтийской иниведенть чиресэ, васоло прявтартнема таркатнеде. Линиясь мельс тукшны тескень эрицятнень, дачав якицятнень ды туристнэнь туртов, сон юты мазый пертьпельксэнь иневедень чирень таркава, конатнень кувалт те Ине-Петрань ошонь пельксэсь лемдезель "Курортноекс". «Прявт» электрофицированной магистралень бойка «ардома» — границава молиця «Выборгское направление» — арды видстэ Зеленогорск лотксема таркасто Выборг видс, «иневедь чирень линия» вейсэнди маронзо не кавто точкава, ардомась моли иневедень чирева аволь виде дугава.
Секс мекс те линиясь малава весе апак электрифицировазь, тозонь а ардовить эрьвачинь пригородной электропоездт, конатнеде пек ламо ломанень 10 усксема линиятнева Ине-Петра ошсто. Секс тов пачколить ансяк поездтнэ лембендязь ускомасо, конатнень конфигурациясь шкань марто полавтневи, кода полавтовить РЖД-нь эволюциянь китне. Советэнь шкане яксесь «дизель-поезд» «дизель-поезд» Д₁ Мадьяронь Масторсо теезь, ансяк чилисемаёнксонь блоконь каладомадо мейле запчастень рамсемась кармась пек питнеекс ды 1990- иетнень куншкас Октябрьской чугункань кинь лангсо появасть 2 уськевийускимть - электропоезд ЭР2К «круглой кабина» марто, ташто койсэ теезь, конатнень полавтызь тепловозной ускомантень.
Уськевийуским «эсь пильгсэ» электрической усковкс коряс ардсь Ине-Петра ошсто узловой Зеленогорск видс, косо пантографтнэ валгстовить алов, а поездэнтень поладозель М62 тепловозось, конась ветиль уськевийускимсэнть седе тов, иневедень чирева. Тепловоздо уськевийускиментень мольсь авиев токось ды сэрей лепштямо ало кошт. Секс уськевийускимсэнть ульнесть тевс нолдазь ансяк сынсь-панжневиця кенкшт, лоткамопельть ды марямга кортамо. Тол ды лембелгавтома арасель, секс арднесть не вагонтнэ ансяк кизна.
Ловнодо те системадо чугункань кинь фотокувонь снимицянь Г. Егоровонь ЖЖ-блогсо (железнодорожный фотограф Г. Егоров) (сёрмадовкссонзо улить невткеть лия фотокуврепортажс, косто саезь аволь официальной «теплоэлектричка» валось). Ютазь иетнестэ тевс нолдазель меельце «ветеранской» уськевийуским 930 номер марто. Самай сон тусь ардозь меельцеде ожоковонь 24 чистэ, иензэ ульнесть 49. Самай сонзэ ильтямонзо ваномо састь вики-экспедициянь ломантне. Уськевийускимесь — те моделень меельце артниця ускомапелесь Октябрянь чугунка ки лангсо. Сонзэ эксплуатациянь шканть прядомадо марто – 2020 иень суньдерьковонь 20 чистэ – «глобуст», кода тенст мерить транспортонь фанатт, целанек туить пелевеёнксонь чугункань китнень лангсто.
Васенце лотксема: Зеленогорск лотксема таркась, «теплоэлектричканть» меельце ардомась
-
Ярдомань меелце кадрась: потсто ЭР2К-930 -
Вики-улицятне пачкодсть Зеленогорскоев ды сеске ушодсть тееме фотокувт, кода дизельускимесь кармась малавгавтомо уськевийускименть марто -
Дизельускимесь стясь седе малав, поездэнть прянть ваксска стякшность снимсеме «рейлфант» -
ТЧ-12-нь ветицясь вейсэнди коштонь шлангт, а рейлфанось - снимси теньсэ -
Локомотивень бригадась максы ветямосонть уськевийускименть пельде дизельускиментень -
Весе пантографтнэ нолдазь алов, вейсэндямось теезь -
Поездэсь тусь виде шкань коряс: неяви электрикань кабелесь дизельуским эйстэ электричкантень -
Поездэсь тусь лотксема таркасто пелевеёнов, каршонзо арды грузовой поездэсь неень шкань 2ЭС4К-026 уськевийуским марто -
.jpg)
.jpg)
.jpg)
Википедиясо улицятне ильтямонь шкасто ульнесть аволь ськамост. Те тешкстевенть ваномо пурнавсть ламо «рейлфан» месть — те чугункань кинь вечкицят - фанат. Сынст кортамонь коряс, прявттевекс ашти тепловозонь ды электропоездэнь вейсэндямось, конась ульнесь теезь Зеленогорск станциясо 11 чассо валскемарто. Ансяк вейке википедиясо улицясь озась те поездэнтень Финляндской вокзалсо, лиятнеде башка. Тень кувалт Викиутомсо «Поезда на Финляндском вокзале» категориясо улить те ардоманть ушодкс таркасто фотокувт.
Поездэнть Ушковов туемадо мейле, конанть википедиясо улицятне ванызь ды тувака снимсизь, ульнесь кортавтозь ваномс эсь Зеленоговскоенть. Васенце ваннома таркакс ульнесь И. И. Новиковонь кудозо — бояронь кудо XX пингень ушодксонь, неень шкане сон культурань тевкадовкс объект федеральной смусть марто. Мезе берянесь: кудось куватьс аштесь кадозь ды тия-тува каладсь, ансяк 2020 иестэ тосо ушодозель капитальной витнема. Вики-якицятне ютасть кудонть перька ды нейсть: чугунонь ортатне арасть таркасост, ансяк лиядсть ортань столбат.
Зеленогорскоень ванноматаркатне
-
Новиковонь кудозо ды ортань столбатне -
Кингэнь дачазо -
Вики-якицятне теить Балтика иневеденть фотокувт, васоло неяви Лахта-центрась -
Куродома-сэдесь
.jpg)
.jpg)
Теде мейле ульнесть теезь «Бель-Вю» икеле шкане гостиницанть фотокувонзо, Кингэнь дачанзо, Уотинненэнь вилланзо, конатне истя жо аштить культурань тевкадовкс объектэкс. Мейле ульнесь явозь шка Финской заливга якамонень. Айнола вилла вакссо нурькине лоткамодо мейле, косо ульнесь ваннозь сонсь кудось, куродома-сэдесь вики-якицятне сыргасть Комаровав.
Комаровань прявтваннома таркакс кармась Рено виллась эсь каскадонь зёлт марто. Васня якицятнень ульнесь мелест теемс сонсь кудонть фотокувт (ансяк эряви меремс, сонсь кудось палокшнось 2013 иестэ, се, конась ашти таркасонзо — кудонть копиясь, истяжо Юхневич дачанть, конась ашти кинть ютазь. Те эзь удала: перькаст аштить сэрей пирявкст, секс савсь якамс парконь весеменень панжадо таркатнева, конат совить пек ванстовиця «Комаровский берег» таркас. Тува теезь экояксема тарка, улить содамочинь невтемат ды аэрявиксэнь ёртомань таркатне. Те весе теизе те тарканть малава эрицятненень пек мельс туицякс — ульнесть занязь весе лотксема таркатне, а малава учость туристэнь автобузт. Якамонь шкане ульнесь редязь каладозь фонтан, конась седе икеле ульнесь апак сёрмадо косояк конёвтнесэ — Википедиянь эрявикс конёвтнэ.
Комаровась
-
Мель вешиця корёнтнэнь касовксось -
Рено виллань вейке зярыясто каскадонь зёлтось -
Исторической кустемась экокинь лангсо -
Те дачанть снимамонзо вейке вики-якицясь кузекшнось машинань пряс -
Шихинэнь дачазо
.jpg)
.jpg)
.jpg)
.jpg)
.jpg)
Вики-якицятне арсезевсть а лотксемс ды тейнемс фотокувт весемеде, мезесь Комаровасо ульнесь апак снима культурань теквкадовксонь коряс. Тевесь стакалгадовсь сеньсэ, што ламо историянь коряс содавикс дачат аштить ней ломанень мода лангсо, не таркатне пекстазь ды перькаст сэрей пирявкс. Кой-зярдо фотокувось тунь а тееви.
Меельце якамонь таркакс лиядсьБелоостров ошинесь. 1944 иень видс те ошось ульнесь Суоми Масторонь граница лангсо, секс Сталинэнь шкатнева ошонть чилисемаёндо ульнесть теезь зярыя вачкавкст, конатнестэ теевсь Карелэнь Идемань Буе. Кото эйстедест, конатна вачказельть 1940 иень икеле аштить неень шкане культурань тевкадовкс объектэкс. Сень лангс апак вано, Викигидэнь реестрасо ульнесь ансяк вейкенть фотокувозо, сень, конась ашти кинь вакссо. Лия ДОТ-нэнь видс кись мольсь чеядавкска ды кияк эзь сода, ютават-арась тува. Аламодо арсезь, ульнесь ёвтазь мель снартнемс тов пачкодеме. Ютазельть 4 вайгельбеть чеядавкска ды ульнесть теезь 56-цень, 223-цень ДОТ-онь фотокувт, конатне эсь шкасто совасть Карелэнь Идемань Буес (рузкс КаУР — Карельский Укреп.район), текень марто ульнесь снимазь торпингеде мейле вачказь В-16 вепелев леднематарка, конанть эйстэ эффектностэ лиси-неяви ЗИФ-25 леднемапелесь. Тувака ульнесь теезь эрьва-кодамо пангонь фотокувт Викиутомонь эрявикс категорияс (рузкс категории Викисклада).
Вики-якамонь «чеядавксонь» пельксэсь
-
Чеядавкска якамонь GPS-трекесь колмо объекттга (сюлмазь Викиутомонь карта марто невтькева) -
В-16 артиллериянь вепелев леднема тарка -
Сонсь леднемапелесь ЗИФ-25, вачкавксось потоёндо -
Чеядавкска стака якамось -
ДОТонь потсо: фильтрань-вентиляциянь теевксэсь -
Ашожда чиядавксонь кись Рузонь Масторонь пелевеёнкска -
У дальнего ДОТа экспедиция встретила команду невикипедийных краеведов (очевидно, военных историков) -
Ривезь панго -
Васоло ДОТонь вакссо мазый чеядавксонь виресь
.jpg)
.jpg)
.jpg)
.jpg)
Весе фотокувсо ваннодо кода свал Викиутомнь категориясо: Category:Wikimeetup in Kurortny District (Saint Petersburg) 2020-10-24. Юзер-кужодо содамочись тесэ «Вики-краеведы Северо-Запада России» — Мета-вики лопасо North-West Russia Wiki-Historians User Group (9 кельсэ).
 |
Предыдущая новость: Машинасо вики-экспедициясь Эрямонь Кинь ланга |
 |
См. также: В Сестрорецке прошла вики-экскурсия |
Источники
править
Комментарии
Если вы хотите сообщить о проблеме в статье (например, фактическая ошибка и т. д.), пожалуйста, используйте обычную страницу обсуждения.
Комментарии на этой странице могут не соответствовать политике нейтральной точки зрения, однако, пожалуйста, придерживайтесь темы и попытайтесь избежать брани, оскорбительных или подстрекательных комментариев. Попробуйте написать такие комментарии, которые заставят задуматься, будут проницательными или спорными. Цивилизованная дискуссия и вежливый спор делают страницу комментариев дружелюбным местом. Пожалуйста, подумайте об этом.
Несколько советов по оформлению реплик:
- Новые темы начинайте, пожалуйста, снизу.
- Используйте символ звёздочки «*» в начале строки для начала новой темы. Далее пишите свой текст.
- Для ответа в начале строки укажите на одну звёздочку больше, чем в предыдущей реплике.
- Пожалуйста, подписывайте все свои сообщения, используя четыре тильды (~~~~). При предварительном просмотре и сохранении они будут автоматически заменены на ваше имя и дату.
Обращаем ваше внимание, что комментарии не предназначены для размещения ссылок на внешние ресурсы не по теме статьи, которые могут быть удалены или скрыты любым участником. Тем не менее, на странице комментариев вы можете сообщить о статьях в СМИ, которые ссылаются на эту заметку, а также о её обсуждении на сторонних ресурсах.
