Д. В. Бубрихень калмонзо вачтамось
20 июня 2021 года
Тундонь самось содави аволь ансяк панжиковонь покшчитнесэ, теледе мейле калмолангов якамонь кувалткак. UG EZY юзер-кужонь телень кулятнесэ ёвтнезель 2020 иень тевтнень топавтомадо ды сы 2021 иень тевень теемадо, вейке эйстэдест ульнесь Дмитрий Владимирович Бубрихень (1890-1949) — Советэнь Союзсо финнэнь-угрань содамочинть ладицянть калмонзо вешнемась.
Интернет вешнематне невтсть: сон калмазель Ине-Петрань ошонь Серафимовской калмазырьсэ. Васняяк, пек пелевтыцякс ульнесь сонсь калмонь вешнемась. Те шкас калмозырьтнесэ арасть вешнемань системат, косо бу ёвтавлик лементь ды тень кувалт муевель, косо ломанесь калмазь. Неень шкане эряви васня заказамс куломань конёв, конась максови ансяк малавикс ломантненень, мейле ардома калмазетнень архивс, тосто саема лия конёв ды ансяк теде мейле молема калмазырев, не конёвтнень кувалт мусызь калмамотарканть.
Дмитрий Владимирович Бубрихень лемезэ содави весенень, кие яви мель финнэнь-угрань кельтненень. Петроской ошсо кавто иес весть ютавтовить Бубрихень лемсэ ловномат. Сон ульнесь аволь ансяк содыдей, сон ульнесь тонавтыця ды тевень ладиця-ветиця. Дмитрий Владимирович ульнесь лия содавикс келень содыдеень тонавтницякс — Алексей Александрович Шахматовонь (1864—1920). Кода ламо лия финнэнь-угрань тевень теицятне, сон ульнесь арестовазь ды нолдазель вейке иень ютазь, чумонзо каявтызь. Сень лангс апак вано, теде мейле кувать лангозонзо кайсететсть, натой тонавтницянзояк, «буржуазной контрабандань» кувалт. Сон кулось Ленинградонь прявтуниверситетсэ маринь келень лекциянь ловномсто.
Вешнемань тевесь ульнесь шожда — сонсь калмось ульнесь культурань тевкадовксонь объект ды невтезель калмазырев совамотаркасо аштиця лазсо, лия наукань содавикс ломантнень калмотнень ютксо. Сонсь модань пельксэсь ульнесь аволь покш, ансяк модась леткель ды чувтнэ тия-тува кассть истя - а ютават калмотнень ваксска. Секс якамо-пакамо лангс ютавтовсь ламо шка. Окойники, калмось муевсь.
Пирявкс потсо кавто крёстт ды касозь чувто, ансяк калмазетнеде зярыя: сонсь содыдеесь, низэ — Мария Фёдоровна Бубрих (1895—1967), Вова цёрынест (1922—1932). Истяжо путозь лаз — «Бубрих В. Д. 1924—1993». Сонсь калмось теезь истя: ашти мраморонь крёст прямоугольной путоматарканть лангсо. Неяви - кадозель тарка фотокувнэнь, ансяк неень шкане сон арась. UG EZY куросо аштицятне урядызь калмонть: кочксизь касовкстнэнь, коське тарадтнень, тона иень лопатнень, шлизь-нардызь крёстонть, коень коряс поминызь. Те шкане ёвтазель арсевксэсь - тердемс мари мезень ды путомс вейсэнь цецянь пусмот.
-
Д.В.Бубрихень калмозо -
Д.В.Бубрихень калмозо -
Д.В.Бубрихень калмонзо урядамось -
Д.В.Бубрихень калмонзо урядамось -
Д.В.Бубрихень калмозо -
Д.В.Бубрихень калмозо
._D.Bubrikh%27s_grave_4.jpg)
Тувака ульнесть снимазь лия содыдейтнень маласо аштиця калмотне: Николай Пудович Асеев - металлургиянь ладицянь-кепедицянь, ормань пичкавтыцятнень Владимир Емельянович Цымбалонь, Зоя Дмитриевна Фёдоровань, Сигизмунд Францевич Банашекень, Вильгельм Адольфович Шааконь.
Чиде икеле, 2021 иенть панжиковонь 15-це чистэ, UG EZY кужось якась инжекс Галина Владимировна Рябова-Попованень, сон 1938 иестэ репрессировазь Владимир Рябов эрзянь кельс ютавтыцянть вейкине тейтерезэ. Владимир Рябо ульнесь Анатолий Павлович Рябовонь, эрзянь литературной келень теицязо-ладицязо, ялаксокс. Те ульнесь кенярксов тев, секс мекс кезовксонть кувалт сыре ломаньга яксематне кардазельть. Галина Владимировнанень максозольть аволь умок муезь материалтнэ тетядонзо, истяжо лездынек кудонь тундонь урядамонть марто. Те ульнесь пек мельс туиця тевесь: эрьва нартнема кедьгеде Галина Владимировна ёвтнесь, неть ульнесть эрямодо ёвтнемат, фотокувонь невтнемат. Сехте мельс туицякс ульнесь эрзянь культурань ломанень промксонь фотокувось Москов ошсо, фотокувсо неяви васенце чувтонь мавзолеесь. Те фотокувсонть Галина Владимировнань тетязо-авазо, аванзо прясо эрзянь панго, истя жо тосо патязо - Софья Павловна Рябова. Самай сон карми Ф.Сычковонь «Мордовка-тонавтыця» артовксонть прототипекс.
-
UG EZY ды Галина Владимировна Рябова-Поповась. -
Эрзянь культурань ломантнень промксось Московсо 1920-це иентнестэ. Галина Владимировнань тетязо-авазо. -
Софья Рябова - ёвтницянть патязо.
 |
См. также: Семья Рябовых: основоположники эрзянской литературы. Встреча вторая |
Источники
править
Ссылки
править- Бубриховские чтения: задокументированное народное слово.
- О Бубрихе, людиках и трудолюбии: в Петрозаводске прошли «Бубриховские чтения».
Комментарии
Если вы хотите сообщить о проблеме в статье (например, фактическая ошибка и т. д.), пожалуйста, используйте обычную страницу обсуждения.
Комментарии на этой странице могут не соответствовать политике нейтральной точки зрения, однако, пожалуйста, придерживайтесь темы и попытайтесь избежать брани, оскорбительных или подстрекательных комментариев. Попробуйте написать такие комментарии, которые заставят задуматься, будут проницательными или спорными. Цивилизованная дискуссия и вежливый спор делают страницу комментариев дружелюбным местом. Пожалуйста, подумайте об этом.
Несколько советов по оформлению реплик:
- Новые темы начинайте, пожалуйста, снизу.
- Используйте символ звёздочки «*» в начале строки для начала новой темы. Далее пишите свой текст.
- Для ответа в начале строки укажите на одну звёздочку больше, чем в предыдущей реплике.
- Пожалуйста, подписывайте все свои сообщения, используя четыре тильды (~~~~). При предварительном просмотре и сохранении они будут автоматически заменены на ваше имя и дату.
Обращаем ваше внимание, что комментарии не предназначены для размещения ссылок на внешние ресурсы не по теме статьи, которые могут быть удалены или скрыты любым участником. Тем не менее, на странице комментариев вы можете сообщить о статьях в СМИ, которые ссылаются на эту заметку, а также о её обсуждении на сторонних ресурсах.
