Кода ютась «Эрий вал» III-це весе Россиянь келес дистанционной олимпиадась

Лия кельтнесэ: русский • эрзянь

10 июня 2019 года

Те иестэ даволковсто саезь панжиковс ютакшнось «Эрий вал» тонавтницятненень ды эйдекужов якицятнень туртов эрзянь келень ды культурань коряс III весе Россиянь келес дистанционной олимпиадась, конась алтазель эрзянь кельсэ васенце букварень сёрмадыцянтень Авксентий Филиппович Юртовонь туртов. Пелькстамонть вана уш колмоце ие ушодокшны ды ютавтокшны «Эрий кель» эрзянь келень оnline школась (Самара ёнкс, Тольятти ош). Олимпиадань теицятне сайнесть мель сыремтемс эйкакштнэнь мелест седе домкасто содамс эрзянь келенть ды культуранть, кастомс эйкакштнэнь ёрокчист-маштомачист (талантост) эрзянь келенть тонавтнеманть вельде ды седеяк вечкемс тиринь келенть.

Ольга Сусарева (Богданова) — эрзянь келень тонавтый. Васенце Омбомасторонь этнокультурань студентэнь лагерь-школа «Шачема мастор». Сузгярьге веле, Орозайбуень, Мордовия. 2012 иень таштамковонь 19 - 22 чить.

Те иестэнть пелькстамонь кармавтоматнень топавтсть малав 500 тонавтницят 1-це классто саезь 11-с Мордовиясто, Чувашиясто, Ульяновск, Оренбург ды Иркутск ёнкссто. Васенцеде терявтызь виест малав 60 эйдекужов якицятнеяк (дошкольниктне). Эйкакштэнень эрявсь невтемс эсь содамочист эрзянь келень, культурань ды эйдетнень трямонь-кастомань эрзянь койтнень-кирдатнень коряс (эрзя раськень педагогикась) вешематнень топавтомсто. Важодевкстнэнь ванкшнома куронь прявтонть, «Эрий кель» эрзянь келень оnline школань прявтонть Ольга Михайловна Богдановань валонзо коряс:

«истямо пелькстамо тевесь, зярдо ванновить аволь ансяк эйкакштнэнь эрзянь келень содамочист, истя жо, кода сынь содасызь эрзянь культуранть, минек масторсо ютавтови васенцеде. Минь пек мелявтынек, парсте а парсте сон юты, ней эряви меремс, кавтолдоманок ульнесть стяко. Пелькстамось ютась пек вадрясто. Эйкакштнэ, тетятне-аватне ды тонавтыцятне ульнесть мельспаросот. Сынь ёвтасть тенек пек ламо сюконямо валт ды, нама, кемемаяк: ютавтовост истят пелькстамотне седе ламо. Сеть тетятне-аватне, конат икеле мольсть каршо эрзянь келень тонавтнеманть кис, ней кармасть полавтомо эсь мелест. Минек кецявты, мекс эйкакштнэ, конат топавтсть кармавтомат икеле иетнестэ, ней невтсть седе домка содамичить, ды сынь эрьва ие пек учить олимпиаданок. «Эрий кель» школанок свал аштесь эрзянь келень кастоманть кис ды пакшатнень ёрокчист невтемань кис эрзянь культуранть вельде. Меельце шкасто пек ламо молить кортамот эсь масторонтень вечкемадо, ансяк а эряви стувтомс: те вечкемась ушодови эсь тетятнень-аватнень, эсь келеть ды культурать вечкемасто. Минек пелькстамонок топавтсь те тевенть.»

Олимпиадась аштесь кавто пельксстэ: заочной ды очной. Заочнойсэнть эйкакштнэнень эрявсь топавтомс грамматикань, шкинемань, кортамонь ёрокчинь кастомань (культура речи), эрзянь культурань коряс кармавтоматнень. Эйдетне, конат сайсть 100-80 баллт, нолдавсть очной пельксэнть вешематнень тееме.

Истя, очной пельксэсь явовкшнось кавто кармавтома пельксэв:
«Эрзянь кельсэ сехте вадря видеокодст»;
«Эрзянь кельсэ тонавкс-вебинар».

«Видеокодст» пелькстамосонть важодематнень ванкшныцятне (жюритне) явсть мель сенень, кода вадрясто эйкакшось содасы эрзянь литературань келенть. Тонавтницятне ёвтнесть эсь прядост, вечкевикс теведест, эрзянь культурадонть, кода сынь лездыть тетяст-аваст туртов кудоютконь тевтнесэ ды седе тов.

Изницякс тонавтницятнень ютксто лиссть:
1 тарка — Сонаева Ульяна Евгеньевна (Тонавтыцясь: Чучадеева Наталия Анатольевна).
2 тарка — Кабаева Дарья Викторовна (Тонавтыцясь: Шемякина Марина Ивановна).
3 тарка — Сеняйкин Даннил Анатольевич (Тонавтыцясь: Осяева Любовь Дмитриевна), Ефимов Роман Николаевич (Тонавтыцясь: Герасимова Галина Николаевна. Авась: Ефимова Анна Алексеевна).

Сехте ламо видеот сакшность Саран ошонь «12-це Гимназиянь» тонавтницятнень пельде (Тонавтыцясь: Герасимова Галина Николаевна). Сынь кортасть эрзякс сырькаест кедьсэ велесэ, кудоракшатнень ды кудонармунтнень вакссо. Ёвтнесть, кода лездыть тетяст-аваст туртов андомс вечкевикс каткаст, нармунест. Цыганов Никита ды Арискина Дарья макснесть кевкстемат эсь сырькаест, покштяст туртов эрзянь культурадонть, историядонть. Весе сыненст максозельть питней казнеть.

Эйдекужов якицятненень эрявсь ёвтнемс валморо (стих) эли морамс моро эрзякс. Изницякс кармасть:
1 тарка — Сульдина Виктория (Эйдеваныцясь: Деньчева Ольга Дмитриевна).
2 тарка — Пизёлкина Анна (Эйдеваныцясь: Миркискина Татьяна Васильевна).

«Тонавкс-вебинар» пелькссэнть вешематнень топавтсть skype вельде сеть эйкакштне, конат тонавтнить эрзянь келенть кода тиринь. Вебинартнэ ютасть паро мельёжосо, эйкакштнэ ёвтнесть эрзякс эседест: кода сынь тонавтнить эрзянь келенть, кода лездыть тетяст-аваст туртов пиресэ, ракшань андомасо, кудоютконь тевтнесэ; пачтнесть, мезе сынь содыть эрзянь налксематнеде, фольклордонть, ярсамопельтнеде, оршамотнеде, литературадонть ды седе тов.
— Изницякс те пелькстамосонть лиссть:
1 тарка — Наумкина Полина Ивановна (Тонавтыцясь: Юртайкина Светлана Ивановна).
2 тарка — Цыганова Наталия Викторовна (Тонавтыцясь: Цыганова Татьяна Васильевна).
3 тарка — Карпунькина Анастасия Сергеевна (Тонавтыцясь: Косолапова Вера Павловна) ды Кабаева Екатерина Викторовна (Тонавтыцясь: Пузырькина Лариса Владимировна).

Олимпиадань алкуксонь изницякс лиссь Дубинька буень Кочкурвеле школань 9-це классонь тонавтницясь Никита Наумкин (Тонавтыцясь: Наумкина Галина Ивановна), конась уш омбоце ие сайни Гран-принть. Сонзэ марто пек стака ульнесь пелькстамс лиятненень, секс мекс Никита невтсь аволь ансяк домка содамочить, истя жо алкуксонь вечкема эрзянь келентень. Сон уш зярыя иень перть сёрмады эрзянь кельсэ пьесат ды ёвтнемат. Тонавтницянть валонзо коряс, олимпиадасо изнямодонть мейле сон сёрмадсь седеяк ламо ёвтнемат. Те покш тёкшонть лангс ванозь, сонзэ ялганзояк терявтызь виест сёрмадома тевсэнть. Весе сынь истя жо топавтсть кармавтомат те иестэнтькак ды, мик, ловность эсь сёрмадовксост. Весенень максозельть питней казнеть.

Питней казнесэ ульнесть казезь эйкакшонь морамо куротне (ансамблятне):Теньгушева буень Шокша велень школань морамо куротне «Килейне» ды «Васенце эскелькст» (Ветицясь: Чекмаева Татьяна Ивановна). Башка тешкстазельть «Теремок» эйдекужонь пакшатне, конат кортасть эрзякс «Шумбрат, тиринь авам!» ды «Репка» композициятнесэ. Истя жо питней казнесэ тешкстазель Саран ошонь «5-це номерэнь школань» тонавтыцясь Осяева Любовь Дмитриевна. Сон эйкакштнэнь тетяст-аваст марто вейсэ ютавтокшнось «Эрий вал» внеклассной ванкшнома тев (мероприятия), конась алтазель «Эрий вал» олимпиадантень. Тетятне-аватне анокстакшность эрзянь ярсамопельть, эйкакштнэ жо невтизь икелест эрзянь келень содамочист. Все сынь ульнесть казезь казнесэ.

Теде башка, олимпиаданть пингстэ «Эрий кель» эрзянь келень оnline школась ютавтсь шкинемань пелькстамо тевть:
«Эрзякс марямга» (эрзянь сёрмадыцятнень сёрмадовксост ловномась);
«Мазый арт» (эрзянь сёрмадыцятнень сёрмадовксост туртов артовксонь артомась);
«Эрий вал» (эрзянь кельсэ эсь сёрмадовксонь сёрмадомась);
«Тонавтолмань тевесь эрзякс» (эрзянь кельсэ тонавтолма тевень (научной проектэнь) сёрмадомась).

«Эрий вал» пелькстамось ютавтозель эйкакштнэнь эрзянь кельсэ художественной литературанть ловномань сыремтемань кис. Эйдетне кучнесть эсь сёрмадовксост эрзянь кельсэ.

Изницякс шкинемань пелькстамосонть лиссть:
1 тарка — Наумкин Никита Васильевич (Тонавтыцясь: Наумкина Галина Ивановна) ды Косолапова Дарья Андреевна (Тонавтыцясь: Сигимова Надежда Геннадьевна).
2 тарка — Наумкина Полина Ивановна (Тонавтыцясь: Юртайкина Светлана Ивановна) ды Еремкина Дарья Сергеевна (Тонавтыцясь: Юртайкина Светлана Ивановна).
3 тарка — Смолькина Валерия Андреевна (Тонавтыцясь: Давыдкина Олеся Николаевна), Беляева Ангелина Алексеевна (Тонавтыцясь: Сигимова Надежда Геннадьевна), Аристова Анастасия Васильевна (Тонавтыцясь: Демяшкина Нина Васильевна) ды Цыганова Дарья Васильевна (Тонавтыцясь: Русскина Ирина Николаевна).
— Изницятнень сёрмадовксост курок лисить «Чилисема» ды «Сятко» журналтнэнь лопасост.

Пелькстамонть пингстэ истя жо skype вельде ютавтовсь од сёрмадыцянь семинар, конасо тонавтницятне ловность эсь сёрмадовксост эрзянь кельсэ. Мастер-класстнэнь ютавтсь Ольга Михайловна Богданова. Сон ёвтнесь эрзянь кельсэ ловноманть питнейчидензэ, эрзянь синтаксисэнь башка ёнкстонзо ды кезэрень эрзянь валтнэде, ды мекс сынь истят эрявикс а шожда сёрмадыцянь тевсэнть.

«Эрзякс марямга» шкинема пелькстамосонть эйкакштнэнень эрявсь ловномс вечкевикс эрзянь кельсэ сёрмадовксстонть башка пелькс.

Изницякс тонавтницятнень ютксто лиссть:
1 тарка — Левщанова Ольга Владиславовна (Тонавтыцясь: Нефедова Елена Анатольевна).
Учеваткина Яна Максимовна (Тонавтыцясь: Сергеева Елена Васильевна).
2 тарка — Щукин Алексей Юрьевич (Тонавтыцясь: Салмина Ольга Васильевна) ды Ратникова Лилия Михайловна (Тонавтыцясь: Сергеева Елена Васильевна).

3 тарка — Голынова Анастасия Олеговна (Тонавтыцясь: Нефедова Елена Анатольевна) ды Асабова София Петровна (Тонавтыцясь: Осяева Любовь Петровна).

Изницятне эйдекужонь пакшатнень ютксто кармасть:
1 тарка — Аверьянова Екатерина (Эйдеваныцясь: Качагаева Галина Михайловна).
2 тарка — Борисова Бажена (Эйдеваныцясь: Кабайкина Ирина Николаевна).

«Мазый арт» шкинемань пелькстамосонть эрявкшнось кочкамс вечкевикс эрзянь кельсэ сёрмадовксстонть башка пелькс ды артомс артовкс тензэ. Те вешемась эйкакштнэнь мельс тусь сехте пек.

Изницякс тонавтницятнень ютксто лиссть:
1 тарка — Баранова Ксения Владимировна (Тонавтыцясь: Давыдкина Олеся Николаевна) ды Петрушков Илья Романович (Тонавтыцясь: Осяева Любовь Дмитриевна).
2 тарка — Лисевцева Владислава Евгеньевна (Тонавтыцясь: Герасимова Галина Николаевна).
3 тарка — Пугачёва Дарья Олеговна (Тонавтыцясь: Широкова Валентина Викторовна).

Изницятне эйдекужонь пакшатнень ютксто кармасть:
1 тарка — Макарова Варвара (Эйдеваныцясь: Зимина Татьяна Валерьевна).
2 место — Пашкин Артем (Эйдеваныцясь: Ерёмина Светлана Викторовна) ды Пригарин Максим (Эйдеваныцясь: Пугачёва Тамара Евгеньевна).
3 место — Авдеева Ксения (Эйдеваныцясь: Ерёмина Светлана Викторовна).

Тонавтолмань тевень (научной проектнэнь) коряс пелькстамось ульнесь сехте стакакс. Тесэ эрявкшнось арсемс эрзянь кельсэ лингвистикань терминологиянть лангсо. Сехте вадрякс ульнесь Суродькина Анастасия Николаевнань «Лия кельстэ саезь валтнэнь тевс нолдамось неень шкань эрзянь кельсэнть» важодевксэзэ (Тонавтыцясь: Сигимова Надежда Геннадьевна).

Олимпиадасо ды шкинемань пелькстамотнесэ весе изницятне, паро важодематнень теицятнеяк ды тонавтыцясткак (те малав 150 ломанть) ульнесть казезь шнамонь сёрмасо, конатне ульнесть сёрмадозь эрзякс, ярмаконь ды питней казнесэ. Казнетнень максызь «Эрий кель» эрзянь келень оnline школась (Тольятти ош) ды «Кор» эрзянь келень кастомань Региональной фондось (Саран ош). «Эрий келенть» ды «Коронть» башка казнесэ ульнесь тешкстазь прявт изницятнеяк:«Чилисема» ды «Сятко» эрзянь артлопатнень (журналтнэнь) лангс сёрмадстомасо. Истя жо, башка казнесэ ульнесть казезь лиятнеяк: Эрзянь келень идема фондонть (Саран ош) пельде ульнесть максозь эрзянь кельсэ эйкакшонь книгат. Ансяк сехте вадря казнекс Саран ошонь изницятненень кармась В. И. Ромашкин лемсэ «Торама» морамо куронть нудеень теемань мастер-класстнэ. Те «ялгань вастовомадонть» мейле тетятнень-аватнень ды эйкакштнэнь мелест седеяк кепететсть.
«Минь покш мельспаросатано! Сюкпря тердемань кисэ!»
- кортасть ваныцятне теде мейле.

Видеяк, ютазь олимпиадась кармась алкуксонь раськень покшчикс эрзянь мельёжо марто!

Ванмот править

Лисьмапрят править

Источники править

Оригинальный репортаж
Оригинальный репортаж Викиновостей

Эта статья опубликована в Викиновостях и содержит эксклюзивный репортаж и исследования, написанные одним из участников нашего проекта специально для Викиновостей.

Если автор репортажа не указал свои источники, источником информации является он сам. Вы можете узнать, кто создал эту статью, из истории статьи: тот, кто её внёс эту правку, и является автором статьи. Если у вас есть замечания или предложения, первым делом напишите о них на странице обсуждения. Если у автора имелись в распоряжении не все факты, дополните статью известной вам информацией. Если с течением времени ситуация изменилась, напишите о новых фактах в новой статье. Если у вас есть вопросы к участникам русских Викиновостей, напишите на форум.

Комментарии

Викиновости и Wikimedia Foundation не несут ответственности за любые материалы и точки зрения, находящиеся на странице и в разделе комментариев.