Ойнань ды медицинань музеенть од невтелманзо
5 марта 2020 года
Ине-Петрань ошонь Ойнань ды медицинань музеесь аволь пек содавикс ошонь эрицятнень ютксо ды ошонь ваномо сакшныцятнень ютксо тунь аяксема тарка. Секень лангс апак вано, питнезэ покш, секс мекс эрямопингезэ моли I Пётр саезь. Илядо арсе, што музеентень явить мель ансяк пичкамокудонь важодицятне. Экскурсиянь ветицясь кавтодо ламо част ёвтни истя – стувтсынк шканть. Ёвтнемась моли оенной пингеде, этнографиядо, Пироговдо ды I Пётр шкадо.
Те музеесь ашти Россиянь Федерациянь оборонань министерствань кедь ало – сон полады Рузонь империянь медицинань пурнавксонть. Кода содыть, Петра I пурнась медицинань экспонатт ды вечксь пеень таргамо. Сонсь музеесь ашти Семёнонь лейб-гвардия полконь таркасо.
Музеень пелькст-нупальть: «Семёнонь лейб-гвардия полконь лецтямга», «Рузонь медицинань лисьмапрятне» галереясь, «Империянь медицинань ды хирургонь академиянь музей», «Н. И. Пироговонь музеесь», «Якстере крёстонь музеесь», «Анатомиянь коряс театра» (куншкачистэ, +12), Рузонь ды япононь ютксо ойнась, Васенце весе масторонь ойнась, Гражданской ойнась, «Советэнь медицинась омбоце весе масторонь ойнанть икеле».
Музеесь ёвтни истямо тевде, конат мекс-бути аволь пек марсевить кулясо. Сон ульнесь малава вейкине Ине-Петрань ошсо, конась тейсь Советэнь-финнэнь ойнань 80 иень ушодоманень невтема – «Телень ойнань седей марямо» (рузкс «Милосердие Зимней войны 1939-1940»).
Нупалесь явови кавтов: финнэнь ды советэнь ёнкст. Советэнь ёнкссо невтезь се шкань содавикс ормань пичкавтыцянь Н. Н. Бурденко, П. А. Куприянов, С. И. Банайтис, В. В. Гориневская. Невтезь керсема кедьёнкст, мезесэ усксесть ломанть, оршамопелесть, фотот. Невтемась теезь «Монь ойнась» (руз. «Моя война») проектэнь лездамо вельде. Апак пряшновто, тевень содазь, видестэ ёвтнезь финнэнь ды советэнь ормань пичкавтыцянь тевде ойнань молемстэ. Невтемась моли панжиковонь 2020 иень видс.
Ламо эрзят ды мокшот понгокшность те ойнантень. Мезе содатано ней теде? Мезе сёрмадозь тонавтома книгасо? Вейке лопаяк а пурнави: «Эрявсь теемс тень – теезель». Чавозетне ды кельмезетне ялатеке пек ламольть. Кие ней соды покш турематнеде: кодамо таркасо ульнесть, кодат лемест. Эстедест ульнесть зярояк: покшт ды веревть. Неень шкань не таркава эрицятне ваннынь секе советэнь, теке финнэнь калмоланго мельга. Ламот эрзятнеде ютасть Васенце ды Омбоце весе масторонь ойнатнень, Гражданскоень, Финскоень. А кувать ульнесть эрямост кудов самодо мейле.
Шкань невтелмась «Тонть сэредьксчись, Вьетнам, монь седейсэ (советэнь оенной врачнень лезкс ялгакс раськентень» (руз. «Боль твоя в моем сердце, Вьетнам (помощь советских военных медиков братскому народу)»). Тесэ ёвтневи медицинань ёндо лезксдэ, конась теезель 1965 иестэ Вьетнамнень. Те иестэ Вьетнамов ульнесь кучозь васенце врачт. Невтелмасот: фотот (врачт теить керсевкст, палыця велеть, конёвт.
Свалшкань невтелмась невти Н. И. Пироговонь — гениень хирургонь эрямонзо, сон мольсь шкадо икеле. Бути тынь зярдояк киридиде кедьсэ рентген эли томограмма, тынь нейсынк сынст Пироговонь залсо…ансяк мрамор лангсо артозь. Пирогов сонсь артокшнынзэ тонавтыцятнень туртов. Ней вадрясто содави: кодат виде содамочить ульнесть те ломанень. Артовкстэ теезь прок фотот.
Башка аштиця невтелмась – раужо стена – теи минек содавиксэкс репрессияв понгозь ломантнень марто, кой-косо фотот, кой-косо чаво кундамот (ломатнень эзь лиядо фототкак). Невтелмась алтазь ледезь врачнень. Тень марто ашти сюлмазь лия невтелмась «Медицина ды прявт-инязорт» (руз. «Медицина и вожди»). Тосо ёвтневи И. В. Сталинэнь ды лия партиянь содавикс прявтнэнь ормадо, куломадо.
«…Сонсь вечкемась, эрямось, апелемась ды Ленинградонь славась» (руз. «…Сама любовь и жизнь, бесстрашие и слава Ленинграда») — 75 блокадань сеземанень алтазь невтелма, ёвтенви тейтерьава врачдо.
«Олег Газенко – космосонь ломань» невтелмась теи содавиксэкс Олег Георгиевич Газенко марто (1918—2007), сон ульнесь васенце космосонь доктор, ормань пичкавтыця, конась панжизе медицинань од лопанзо.
Истя жо музеесь явсь мель 160 иенень содавикс детективень сермадыцянтень А.К.Дойльнень. Теезель вишка ды покш эйкакштнень мельс туиця невтелмась: «Шерлок Холмс ды Ватсон докторось. Медицинань детективесь». Те невтелмась ракавтадызь тынк ды пансынзе стака арсематнень.
|
Источники
править
Комментарии
Если вы хотите сообщить о проблеме в статье (например, фактическая ошибка и т. д.), пожалуйста, используйте обычную страницу обсуждения.
Комментарии на этой странице могут не соответствовать политике нейтральной точки зрения, однако, пожалуйста, придерживайтесь темы и попытайтесь избежать брани, оскорбительных или подстрекательных комментариев. Попробуйте написать такие комментарии, которые заставят задуматься, будут проницательными или спорными. Цивилизованная дискуссия и вежливый спор делают страницу комментариев дружелюбным местом. Пожалуйста, подумайте об этом.
Несколько советов по оформлению реплик:
- Новые темы начинайте, пожалуйста, снизу.
- Используйте символ звёздочки «*» в начале строки для начала новой темы. Далее пишите свой текст.
- Для ответа в начале строки укажите на одну звёздочку больше, чем в предыдущей реплике.
- Пожалуйста, подписывайте все свои сообщения, используя четыре тильды (~~~~). При предварительном просмотре и сохранении они будут автоматически заменены на ваше имя и дату.
Обращаем ваше внимание, что комментарии не предназначены для размещения ссылок на внешние ресурсы не по теме статьи, которые могут быть удалены или скрыты любым участником. Тем не менее, на странице комментариев вы можете сообщить о статьях в СМИ, которые ссылаются на эту заметку, а также о её обсуждении на сторонних ресурсах.
