Прядовсь важодемась васенце эрзянь кельсэ «Азор» артонь эриванмонть лангсо

Лия кельтнесэ: русский • эрзянь

23 апреля 2017 года

<dynamicpagelist>

category = Нолдазь category = Республика Мордовия notcategory = А нолдамс notcategory=Викиновости коротко count = 8 stablepages = only suppresserrors = true namespace = Main addfirstcategorydate = true ordermethod = created

</dynamicpagelist><dynamicpagelist>

category = Нолдазь category = Кино notcategory = А нолдамс notcategory = Викиновости коротко count = 8 stablepages = only suppresserrors = true namespace = Main addfirstcategorydate = true ordermethod = created </dynamicpagelist>

«Азор» – васенце эрзянь кельсэ артонь эриванмо-фильманть теемстэ. Орданьбуень Баеньбуе веле, Мордовиясо.

Мордовиясо прядовсть васенце артонь эриванмонь эрзянь кельсэ снимамось. Лемезэ «Азор». 2015 иень ожоковсто кавто эрзянь церат Виктор Чичайкин (кона содавиксэв кода Бакич Видяй) ды Александр Учеваткин ушодызь важодеме «Азор» васенце художественной фильманть лангсо. Минек Мордовия Республикасо те шкас эзь марсевть вейкеяк истямо проект. Седеяк питневгавты «Азоронть» эрзянь кельсэ теемазо.

Ванмосонть невтеви XIII пингень шкась, сестэ Равчирев састь монголт. Пачкодезь эрзянь мастортнень видс, яттнэ палтызь Азоронь тиринь велензэ. Малавиксэнзэ ульнесть маштозь, сестэ Азор скямонзо тусь вешнеме ды пурнамо эрзянь ломанть, ды идемензэ тиринь моданть.

Зярдо ушодовсь ванмонть теемась, анокстыцятне-ветицятне Интернетка, кулялопава (газетава), телевизорга яволявтсть кинодонть, анокстазель тизер – нурька ванмо. Ламоксть яказь покш ломаньга, гайкстнемат, конёвонь сёрмалемат, лезэ вешемат. Александр Учеваткин кемексты:

«Лезэсь сась тосто, косто учинекак. Россиянь келес эриця эрзятне кармасть кучнеме миненек ярмакт, кие зяро маштсь. Видьстэ меремс, Виктор марто ютавтынек пек ламо вийть удемень, ярмаконь. Кучозь паро ломантнень лезэськак ульнесь тенек кеме нежекс: оршамопельть (саинек Саран ошсто, Казань ошто, Рязань ошсто), ставтомат, налт, торот, ломантненень пандомакат-андомкат, лишметь, тракторт…»
Истя вирьсэ снимасть

Съёмкатне ютасть Дубенкань, Кочкурбуень, Покш Березникень, Отяжелень модатне лангсо. Меельце снимамотне ульнесть 2017 иень даволковонь 24 чистэ Орданьбуень Баеньбуе велесэ. Фильмасонть налкстить Мордовиянь прявт раськень драмань театрань актёрт Павел Михайлов ды Иван Бояркин.

Истя теить ванмонть

Кода корты Бакич Видяй:

«Весе видеотне пурнавсть вейс. Ней моли стака витнемань-петнемань важодема (монтаж), студиясо вайгелень сёрмадома. Те важодемась веши ламо вийть.»

Васняяк алтынек нолдамс «Азоронть» 2016 кинонь иестэ. Содави, покш лезэвтеме те стака канстонть сави кандомс седе кувать. Анокстыцятне ёвтыть сюкпря ломантненень, кить лездасть ярмаксо: Кафтаев Денис ( Воронеж ош) – 1500 цел.; Таганов Дмитрий ( Бугуруслан ош) – 1000 цел.; Богданова (Сусорева) Ольга, Богданов Константин ( Тольятти ош) – 2000 цел.; Данильчев Александр (Саран ош) – 3000 цел.; Гайнинькань Пичай ( Красноярск ош) – 5000 цел.; Алексеева Вера ( Самар ош) – 3000 цел.; Мигачев Андрей ( Саратов ош) – 10 000 цел.; Святкина Татьяна ( Поводвеле, Петра ош) – 1000 цел.; Кокин Евгений (Саратов ош) - 6000 цел.; ЗАО «Агро-Атяшево», Щемеров А.В. прявтось ( Отяжвеле) – 5000 цел.; Дёмкин Александр (Саран ош – Кендя) – 3000 цел.; Рябов Петр ( Вирь ало Тавла веле) – 1000 цел.; Коротин Михаил Петрвоич (Саран ош) – 10 000 цел.; Эрюшонь Вежай / Борис Ерюшов ( Мурман ош) – 15 000 цел.; ОАО «Агрофирма «Норов», директор Поздняков А.В.( Семилей веле, Кочкурбуе) – 5000 цел.; Дригань Толай (Самар ош) – 1000 цел.

Мезеяк лангс апак вано, кода алтынекак, 2017 иень сёксня учодо васенце эрзянь кельсэ фильманть кинотеатрасо, ошсо ды велесэ!

Невтевкст править

Источники править

Комментарии

Викиновости и Wikimedia Foundation не несут ответственности за любые материалы и точки зрения, находящиеся на странице и в разделе комментариев.