Эрзянь Википедияс сёрмадозь 4000-це лопа

Лия кельтнесэ: русский • эрзянь

20 октября 2017 года

<dynamicpagelist>

category = Нолдазь category = Эрзянский язык notcategory = А нолдамс notcategory=Викиновости коротко count = 5 stablepages = only suppresserrors = true namespace = Main addfirstcategorydate = true ordermethod = created

</dynamicpagelist><dynamicpagelist>

category = Нолдазь category = Андрей Петров (1980) notcategory = А нолдамс notcategory = Викиновости коротко count = 5 stablepages = only suppresserrors = true namespace = Main addfirstcategorydate = true ordermethod = created

</dynamicpagelist><dynamicpagelist>

category = Нолдазь category = Викимедиа notcategory = А нолдамс notcategory = Викиновости коротко count = 5 stablepages = only suppresserrors = true namespace = Main addfirstcategorydate = true ordermethod = created </dynamicpagelist>

Эрзянь Википедиясто скриншотось, теезь 2017 иень ожоковонь 11 чистэ. Сон невти — сёрмадозь 4000 -це лопась.
В этой статье упоминается Фонд Викимедиа, какой-либо из его проектов или люди, имеющие к ним отношение. Викиновости — один из проектов Фонда Викимедиа.

Ютазь таргосто, 2017 иень ожоковонь 11 чистэ Эрзянь Википедияс ульнесь сёрмадозь 4000 лопась. Васенцекс, кие мерсь лембе валт ульнесть «Викимедийцы Башкортостана» пурнавксонть ломанть. Зайтуна Нигаматьянова сёрмадсь эсензэ лопасонть:

«Ура! Ура! Ура!!! Эрзянь Википедиясо появась 4000-це лопась: Семёнонь ошонь округ, сёрмадозь EliasMelteme!!! Кучтан поздоровт!!! Мезесь паро, ЭрзяВикись — омбоце Россиясо ломанень-пурнавкс, кона ульнесь теезь БашВикинь витнийть-ветийтнень ды админтнэнь лездамонть ды «ламбамо кучкоркс» марто. БашВики ауль умок ульнезь утазь 40 000-це киксэнть. Ней 10-ксть седе ламо вий… ды тынгак кармить 40000, алла бойорһа!!! Эрзят, минь мартонк!!!❤️»

Всёравновонь Ильянь марто, кона сёрмадызэ нилень тёжаньсэнть лопанть корты Петрянь Андю, «Эрзянь кельсэ Викимедиянь витнийть-ветийть» (UG EZY) пурнавксонть ветиесь.

Эрзянь Википедиясто скриншотось, теезь 2017 иень ожоковонь 11 чистэ. Сон невти кие сёрмадызе 4000-це лопанть.

Петрянь Андю: Кода тон сыть Эрзянь Википедияв?

Всёравновонь Илья: Аволь умок мон карминь пурнамо эсень канонь эйстэ ды анокстомо буе- сэмем. Мон чачинь Нижнёй ёнкссонь лембе ёно, Мордовиянь томбале, ды мон карминь содамо монь покштям-авам ульнесть эрзят. Контактсо вейке куросонть мон неинь яволявтома, тосо вешнесть эрзянь кельсэ Википедияс лездыцят. Мон бажинь эсень вием путомс тевентень, ансяк аздылинь мейсэ, мон а содаса эрзянь келенть вадрясто. Тевсэнть лись лездамось ули мейсэ, ней мон келенть карминь содамонзо седе парсте.

Петрянь Андю: Кодат тевть путат тон пурнавксонть эйсэ?

Всёравновонь Илья: Васенцеде ули мель лездамс Эрзянь Википедиянть пештямосо. Теемс седе ламо лопат, неень шкасто аздан седе тов мезесь кундамс: теянь Нижнёй ёнксонь эрямо таркатнеде лопат. Мон эрямосо свал ули мель содамс од содамочить ды молемс од киксэс, секскас «Эрзянь кельсэ Викимедиянь витнийть-ветийть» (UG EZY) пурнавкссонть улемась максы тень кода келень тонавтома, истя жо эрьва кодамо вики-витнемасо содамот.

Петрянь Андю: Кода теть од лопань ды сынст ламочинть касоманть коряс вейсэ важодемась?

Всёравновонь Илья: Пек маряви ломанень а сатомась. Эрзянь кельсэ википедиянть пельксэсь кирдеви аламонь ломанень важодемасо. Сайсынек, вепссэнь кельсэ Википедиясь, кавксть седе покш лопань коряс минек эрзяньсенть эйстэ, зярдо кельсэ кортыцятнеде, сынст пек аламо. Мекс истя те тувталось лись неень шкасто а содави, ансяк арсян эрзятненень а саты вейсэндямось, ды интернетт-проектнэнь лездамось.

Эрзянь Википедиянь логось

Петрянь Андю: Тон важодят XI-це Вики-конференциясо Московсо. Мезе учат эйстэдензэ?

Арсян, Википедиясо одтнэнень, кода монень, пек эрявить содыцятнень марто вастнемат-кортнемат, сынст пельде превс путомат ды сялдоматкак. Эрявить тевень ды од кинь икелев невтемат. Ули мелем вастовомс ды улемс содавиксэкс Россиянь ды лия масторонь ламо ёндо викис сёрмадыцятнень марто.

Куронть логось, эрзянь версиясь

Петрянь Андю: Кодат улить арсемат од пурнавксонь ды эрзянь кельсэ Википедиясо улицятненень?

Всёравновонь Илья: Монь Википедияс ветимим эсень семиядонть вешнемась. Мон аволь вадрясто содаса эрзянь келенть, ансяк лездан UG EZY пурнавкссонть ды седе пек путан питне тиринь рузонь келентень. Викинь эрьва кодамо кельтнесэ важодемась-теемась максы минек масторонть культуранть вастомантень. Википедиясь максы тень теемс од ломантненень «содавикс кельсэ» — информациянь технологиятнень трокс. Зярдо кавто-колмо вейсэндязь ломанть неень шкасто анокстасть-чапасть истямо виртуальной аорев содамокундо (энциклопедия) конасонть знярыя тёжат лопат, сестэ кодамо покш тевс пачкодевельть курось конасонть улевельть ансяк эрзянь келень вадрясто содыцят?! Арсян кевкстеманть лангс каршо валось чаркодеви. Неень шкасто интернетэсь — эрямосонть истямо пелькс, ды сестэ эрьва-кодамо келесь истя карми седе малав «эрямонь коень васодемань кель» чарькодемантень.

«Эрзянь Википедия» (рус. «Эрзянская Википедия») — Википедиянь пелькс эрзянь кельсе. Ульнесь панжозь 2008 иень панжиковонь 26 чистэ. Ней сонзэ сёрмадозь 4077 лопат (181-це тарка).

«Эрзянь кельсэ Викимедиянь витнийть-ветийть» Пурнавксось (UG EZY) (рус. «Викимедийцы редакторы эрзянского языка», англ. Wikimedians of Erzya language User Group) — омбоце истямо Россиясо теевксэсь (2015 иестэ появась «Викимедийцы Башкортостана» (UG BA) пурнавксось, сонзэ васенце смустезэ келейгавтомс Википедиянть лы дия проекттнэнь башкирэнь кельсэ.), сон карми тееме вики-проект эрзянь кельсэ, конасонть кортыть эрзят. Сон ульнесь теезь-кемекстазь 2017 иень даволковонь 16 чистэ.

Лисьмапрят править

Оригинальный репортаж
Эту статью написал Андрей Петров (Erzianj jurnalist) специально для Русских Викиновостей. Она содержит ранее не публиковавшиеся материалы или исследования, источником которых является сам автор. Статью проверил и опубликовал редактор Семён Красоткин (DonSimon). Вы можете свободно без согласования и выплаты вознаграждения копировать, распространять и изменять эту статью в любых целях, включая коммерческие, однако вы обязаны указать автора, источник и лицензию. Например, так: Андрей Петров, Семён Красоткин; Викиновости; CC BY 2.5. Вы также должны обозначить изменения, если таковые были сделаны. Лицензии изображений уточняйте на их страницах на Викискладе.

Комментарии

Викиновости и Wikimedia Foundation не несут ответственности за любые материалы и точки зрения, находящиеся на странице и в разделе комментариев.