Открыть главное меню

19 мая 2016

В этой статье упоминается Фонд Викимедиа, какой-либо из его проектов или люди, имеющие к ним отношение. Викиновости — один из проектов Фонда Викимедиа.
Finno-Ugric Wikiseminar-2016 Logo (Wikimedia RU).svg
Finno-Ugric wikiseminar 2016 (2016-05-07) 49.JPG

Petroskois kolme päiviä piettih paginua karjalankielizes Wikipedies.

Karjalan tazavallan piälinnah kerdyi äijy rahvastu, sie 7.-9. oraskuudu piettih Suomelas-ugrilastu Wiki-seminuarua. Tämä oli jo kolmas seminuaru da se oli omistettu suomelas-ugrilazien kanzoin kielien säilyttämizekse. Seminuarah yhtyi rahvastu Ven’al, Suomes da Estouniespäi, kuduat kirjutetah Wikipedieh da net, kuduat tahtotah tiediä suomelas-ugrilazis kielis. Kaikkiedah seminuaral oli registriiruittu 13 Wikipediah näh kirjuttajua da 18 hengie, kuduat vie ei kirjuteta. Suomelas-ugrilaine Wiki-seminuaru on seminuaru, kuduas rahvas sanellah omas ruavos Wikimedia-projektois da annetah nevvuo. Seminuaran tavoittehennu on yhtehine kaččelemine da pienien suomelas-ugrilazien Wikipedieloin probliemoin sellittämine. Enzimäine Suomelas-ugrilaine Wiki-seminuaru oli 22.-24. elokuudu 2014 Estounies Tartu- da Vaksna-linnois, toine – 1.-4. elokuudu 2015 Meremäes Estounies da kolmas 7.-9. oraskuudu Petroskois.

Enzimäine Wiki-seminuaran päivy, 7. oraskuudu Vladimir Medeiko, Wikimedia Rossija -laitoksen johtai, da Kaarel Vaidla, Wikimedia Estounien -laitoksen johtai tervehtettih seminuaran gostii. Paginanvedäjien joukos oldihgi Kielen, literatuuran da histourien instituutan ruadajat – Valentina Mironova, Jekaterina Zaharova, Nadežda Lobanova. Andrei Križanovskii saneli vepsän kielen korpukses: kui se ruadau, mi on jo ruattu da tulien ajan pluanois. Ilja Mošnikov saneli karjalankielizes Wikipedies da sen probliemois. Niilöin joukos ollah kielinero, aktivistoin da motivatsien vähys. Vie ei ole piätetty pidäygo luadie yksi, kaksi libo kolme karjalankielisty Wikipediedu. Baškiirien Wikipedien aktivistu Ansar Nuretdinov sanoi omas vällys entsiklopedies. Baškiriankielizes Wikipedies on läs 36 tuhattu kirjutustu. Vie häi sanoi, ku Baškiiries eläy 130 kanzan rahvastu, ga hyö yksikai luajittih Wikipedien omal baškiiroin kielel.

Toine Wiki-seminuaran päivy, 8. oraskuudu Erzälaine Andrei Petrov saneli kaheksavuodehizes erzänkielizen Wikipedien ruavos. Nygöi hyö tahtotah suaja ruadoh uuzii kirjuttajii, levendiä kirjutuksien aihieloi, suurendua lugijoin miäriä. Karina Miščenkova Moskovaspäi baskoin da katalanskoin kielien ezimerkil saneli, kui suau piästiä täs vaigevukses karjalan kieldy. Iževskaspäi tulluh Jelena R’abina kerdoi udmurtienkielizes Wikipedies, kuduas on 3688 kirjutustu. Se on jo tovelline Wikipedia da silgi on omua probliemua – paha udmurtien kieli, suuri miäry uuttu sanua, kirjuttajien pieni miäry. Udmurtien Wikipedies on registriiruittu 7337 kirjuttajua, a kirjuttau vaiku 21 hengie. Paiči Wikipediedu Wikimedia Ven’a -organizatsiel on vie äijy projektua. Yhtes niilöis saneli Sem’on Krasotkin, ”Wiki-uudizien” toimittai. Häi sanoi, ku ”Wiki-uudizet” ven’akse roittihes vuvvennu 2005 da nygöi net ollah kuvvendel sijal saitoin joukos, kuduat kirjutetah uudizii. Vuvven 2016, pakkaskuus, Wiki-uudizet Ven’al ollah mul’tikielizet. Nygöi sih kirjutetah saha-kielel da baškiirien kielel. Paiči ezitelmii seminuaras oldih master-kluasat da paginat.

Kolmas Wiki-seminuaran päivy, 9. oraskuudu Kolmandennu seminuaran, suuren pruazniekan päivänny seminuarah yhtynyzile puutui kävvä Kižin suarele. Enzimäi wikipedialazet lähtiettih avtobusal Kondupahjah da sit, akvabusal, Oniegan järves poikki, suarele. Jo järvelpäi ozuttihes Spuasan kirkastuksen kirikkö, kuduadu nygöi endizelleh kuunnostetah. Kiži-muzein ekskursienvedäi saneli Kiži-suaren histouries, ozutti kiriköt, taloit da muut rakendukset. Sit gostil oli aigu kaččuo Kižin suaren iččenazekse. Ekskursien jälles kaikin lähtiettih Petroskoih Kondupohjas poikki da sit Karjalan tazavallan gostit hyväs mieles lähtiettih kodih.

 

ИсточникиПравить

 

Комментарии

Викиновости и Wikimedia Foundation не несут ответственности за любые материалы и точки зрения, находящиеся на странице и в разделе комментариев.
 

ПоздравленияПравить

  • Поздравляю с первой новостью на языке! Тем более, она получилась весьма объемной! --HalanTul (обсуждение) 00:43, 20 мая 2016 (UTC)
  • Это очень-очень важно! Я бы сказал архиважно! Мы все рады! Поздравляем! --Рөстәм Нурыев (обсуждение) 07:36, 20 мая 2016 (UTC)