Лахтиын ортчиз Дунневыл финн-угор конгресс
23 июня 2016 года
category = Поттэмын category = Общество notcategory = Не публиковать notcategory=Викиновости коротко count = 8 stablepages = only suppresserrors = true namespace = Main addfirstcategorydate = true ordermethod = created
</dynamicpagelist><dynamicpagelist>category = Поттэмын category = Финляндия notcategory = Не публиковать notcategory = Викиновости коротко count = 8 stablepages = only suppresserrors = true namespace = Main addfirstcategorydate = true ordermethod = created </dynamicpagelist>
15-тӥ-17-тӥ инвожое Финляндиысь Лахти карын Финн-угор калыкъёслэн VII дунневыл конгрессы ортчиз. Солэн валтӥсь темаез вал «Финн-угор калыкъёс — азинсконъёс пала».
Дунневыл конгресс — со огшоры бадӟым ужрад ӧвӧл, со площадка, кытын финн-угор но самоди калыкъёс быгато шараяны асьсэлэсь шуг-секытъёссэс но ӵошен соосты сэрттыны-пертчыны тыршо. Тросэз юанъёс герӟаськемын финн-угор кылъёсыз но культураосыз утёнэн но улӟытонэн, выжы но пичи луись калыкъёслэн правоосынызы.
Лахтиысь конгрессэ вуылӥзы 174 делегатъёс, 370-лэсь уно наблюдательёс но 50 пала журналистъёс — ваньзэ-ӧвӧлзэ 600 пала муртъёс: финнъёс, венгеръёс, эстонъёс, саамъёс, удмуртъёс, поръёс, комиос но коми-пермякъёс, карелъёс, мордва калыкъёс (эрзяос но мокшаос), ненецъёс, хантъёс, мансиос, ижораос, нганасанъёс но трос мукетъёсыз. Озьы ик вал Норвегиысь, Шотландиысь, Великобританиысь, Латвиысь, ЮНЕСКО но ООН огазеяськонъёсысь ӧтем куноос.
Конгрессэз усьтӥз тодмо саам рэпер Айлу Валле, со бӧрсьы сцена вылэ потазы Лахтиысь Эктонъя училищеысь егитъёслэн группазы но Лахти консерваториысь камерной оркестр. Нош концерт бере вань люкаськемъёс азьын вераськизы Финляндилэн, Эстонилэн но Венгрилэн Президентъёссы. Владимир Путинлэсь гожтэтсэ лыдӟиз Россиысь культурая министрлэн воштӥсез Александр Журавский.
Венгрилэн Президентэз Янош Адер пусийз:
 | Финн-угор калыкъёс интыяськемзыя но, учконъёссыя но ог-огзылэсь кыдёке луымын. Озьы ке но синтаксиссы, кылпумъёссы, кылъёссылэн кылӥськемез утё на ӵыжы-выжы луэмзэс. Соос сыӵе узырлыкез возё, кудзэ асьмелы одно утьыны кулэ. Озьы ик утёно ӟеч кусыпъёсмес. |  |
Мадьяр азьмурт вераз, одӥг но кыл мултэс луыны уг быгаты шуыса, малы ке шуоно со дуннеез узыргес каре. Соин ик бадӟым калыкъёс кыл куто пичиосыз понна.
Конгресслэн кыкетӥ но куинетӥ нуналъёсаз делегатъёс но наблюдательёс ужазы 5 секциосын, соос сӥземын вал финн-угор кылъёслы но культураослы, ивор вӧлмытонлы, калык но кивалтэт кусыпъёслы, экономикалы но инкуазьлы, демография но миграция процессъёслы.
Конгрессэз радъясьёс сюлмаськиллям ваньмон дырез тунсыко ортчытон пумысен но. 15-тӥ инвожое Лахтиысь огаз клубын «Ääninen» финн коллектив, Сантту Карху карел рок-музыкант но Айлу Валле саам рэпер кырӟазы. Нош 16-тӥ июне карысь шор площадьын ортчиз финн-угор коллективъёслэн флэш-мобзы но концертсы. Со ӝытэ ик Конгрессэ пыриськисьёс но Лахтиын улӥсьёс учкизы на мукет концертэз — Лахтиысь симфонической оркестрлэсь.
Конгрессысен Финн-угор калыкъёслэн консультативной комитетазы бадӟымесь воштӥськонъёс луизы — солы бырйизы выль тӧро. 24 ар ӵоже ККФУН-эн кивалтӥз Валерий Марков, со сизьымаз ик дунневыл конгрессъёсы делегат чотын пыриськиз но трос лэсьтӥз финн-угор кылъёсыз но культураосыз утён но азинтон понна. Лахтиысен со аслэсьтыз интызэ сётӥз Карелиысь Татьяна Клееровалы но тау кариз ваньмызлы, кин соин ӵош ужаз, юрттӥз, визь-кенеш сётъяз:
| Милям ӧрмы азинскиз, малы ке шуоно Консультативной комитетын зол, оскымон, кыл кутӥсь командамы вал. Бадӟым тау ваньмызлы, кин ужаз ККФУН-ын. Огназ адями номыр уз лэсьты, лэсьтоз командаын гинэ. Милям сыӵе командамы вал. | |
В. П. Марков ӟечкылаз Т. Н. Клеероваез Финн-угор калыкъёслэн консультативной комитетсылэн торо луэменыз. Нош Т. Н. Клеерова тау кариз ККФУН-лэн ёзчиосызлы оскемзы понна но пусйиз, со финн-угор ӧрын ӧрлэн кылдэм дырысеныз ик шуыса но кужмысь тыршоз сое юнматыны но азинтыны.
Ссылки
править- Сайт конгресса (Архивная копия от 1 сентября 2019 на Wayback Machine).
- Новости в ВКонтакте.
- Новости в Facebook.
- Новости в Twitter.
Источники
править
Комментарии
Если вы хотите сообщить о проблеме в статье (например, фактическая ошибка и т. д.), пожалуйста, используйте обычную страницу обсуждения.
Комментарии на этой странице могут не соответствовать политике нейтральной точки зрения, однако, пожалуйста, придерживайтесь темы и попытайтесь избежать брани, оскорбительных или подстрекательных комментариев. Попробуйте написать такие комментарии, которые заставят задуматься, будут проницательными или спорными. Цивилизованная дискуссия и вежливый спор делают страницу комментариев дружелюбным местом. Пожалуйста, подумайте об этом.
Несколько советов по оформлению реплик:
- Новые темы начинайте, пожалуйста, снизу.
- Используйте символ звёздочки «*» в начале строки для начала новой темы. Далее пишите свой текст.
- Для ответа в начале строки укажите на одну звёздочку больше, чем в предыдущей реплике.
- Пожалуйста, подписывайте все свои сообщения, используя четыре тильды (~~~~). При предварительном просмотре и сохранении они будут автоматически заменены на ваше имя и дату.
Обращаем ваше внимание, что комментарии не предназначены для размещения ссылок на внешние ресурсы не по теме статьи, которые могут быть удалены или скрыты любым участником. Тем не менее, на странице комментариев вы можете сообщить о статьях в СМИ, которые ссылаются на эту заметку, а также о её обсуждении на сторонних ресурсах.
